12

Tutukan ang Buluhaton, Modawat sa mga Ordinansa

Pamalandungi:Unsay makapugong kanato sa pagbuhat sa mga butang nga labing importante?

Tan-awa:“Doing What Matters Most” (Walay video? Basaha ang sunod nga pahina.)

Hisguti:Unsa ang pipila ka mga butang nga dili importante nga gibuhat sa mga tawo sa pag-usik sa ilang panahon? Ang Ginoo mimando kang Joseph Smith nga magtukod og mga templo bisan kon ang mga miyembro sa Simbahan kabus kaayo. Ngano man?

Basaha:Doktrina ug mga Pakigsaad 84:20; 136:4; 1 Nephi 18:2–3 (naa sa tuo)

“Busa, diha sa mga ordinansa niana, ang gahum sa pagka-diosnon gipakita.”

Doktrina ug mga Pakigsaad 84:20

“Ug kini mahimo nga atong pakigsaad—nga kita maglakaw diha sa tanan nga mga ordinansa sa atong Ginoo.”

Doktrina ug mga Pakigsaad 136:4

“Ako mihimo [sa barko] sumala sa paagi diin gipakita sa Ginoo kanako; busa,kini wala mosubay sa paagi sa mga tawo. Ug ako, si Nephi, mitungas sa bukid kanunay, ug ako nag-ampo ngadto sa Ginoo; busa, ang Ginoo mipakita ngari kanako sa mga mahinungdanon nga butang.”

1 Nephi 18:2–3

Basaha:“The Law of Soil Management” (diha sa sunod nga pahina)

Hisguti:Unsa ang gipadayag sa Ginoo ngadto ni Elder Widtsoe didto sa templo? Unsa ang gipadayag sa Ginoo ngadto ni Nephi didto sa bukid?

Sa atong tinguha nga mahimong self-reliant, nganong importante ang mahimong takus sa templo?

Kauban sa partner, basaha ang kasulatan sa ubos. Unsay gipasabut niini diha kaninyo nga pinaagi sa pagsimba sa templo kita andam nga makadawat sa matag gikinahanglan nga butang sa atong kinabuhi? Hisguti kon unsay buot ipasabut niini sa inyong kinabuhi ug sa inyong tumong nga mahimong self-reliant.

“Ug himoa nga ikaw motugyan, Balaan nga Amahan, nga tanan kadto kinsa mosimba dinhi niini nga balay … makaandam sa pag-angkon sa matag gikinahanglan nga butang.”

Doktrina ug mga Pakigsaad 109:14–15

I-commit:I-commit nga himoon ang mosunod nga buluhaton sa semana. I-tsek ang mga box kon makompleto ninyo ang matag buluhaton:

• Praktisa nga mahimong takus alang sa templo kada adlaw.

• Itudlo kini nga baruganan sa inyong pamilya. Tudloi sila kon sa unsang paagiha nga ang pagtambong sa templo makatabang nila nga molampus sa espiritwal ug temporal nga paagi, ug hisguti uban nila kon unsa gayud ang kinahanglan ninyong buhaton aron makadawat sa gahum sa Ginoo nga anaa sa mga ordinansa sa templo.

• Padayuna pagpraktis ang miaging mga baruganan sa foundation.

“Ang Ginoo mopanalangin kanato samtang magpahigayon kita sa sagradong mga ordinansa sa buhat sa mga templo. Ang mga panalangin didto dili lamang limitado sa atong pagserbisyo sa templo. Kita mapanalanginan sa tanan natong mga kalihokan. Mamahimo kitang takus nga ang Ginoo magkainteres sa atong mga kalihokan sa espiritwal ug temporal.”

Boyd K. Packer, The Holy Temple (1980), 182

Doing What Matters Most

Kon dili mo makatan-aw sa video, basaha kini nga script.

NARRATOR: Usa ka eroplano ang nahagsa sa Florida usa ka ngiub nga gabii sa Disyembre. Kapin sa 100 ka mga tawo ang namatay. Mga 20 ka milyas na lang ang gilay-on aron luwas silang makatugpa.

PRESIDENTE UCHTDORF: Human sa aksidente, ang mga nag-imbistigar misulay og suta sa hinungdan. Ang gear nga para pangtugpa andam na gayud diay unta alang sa maayong pagtugpa. Ang eroplano anaa sa perpektong mekanikal nga kondisyon. Walay problema sa tanang gamit—gawas lang sa usa: ang napunder nga bombilya. Kadtong gamay nga bombilya—nga 20 sentimos ra ang kantidad—ang sinugdanan sa nagsunod-sunod nga mga panghitabo nga sa katapusan misangput ngadto sa makalilisang nga kamatayon sa kapin sa 100 ka mga tawo.

Siyempre, ang napunder nga bombilya dili maoy hinungdan sa aksidente; nahitabo kadto tungod kay ang mga crew mibaling sa ilang atensyon ngadto sa daw importante niadtong higayuna samtang wala magtan-aw sa labing importante.

Ang kalagmitan sa pag-focus ngadto sa dili kaayo importante nga ipuli sa pinakaimportante mahitabo dili lamang sa mga piloto apan sa tanan. Kitang tanan namiligro. … Ang inyong mga hunahuna ug kasingkasing naka-focus ba ngadto sa mga butang nga lumalabay lamang o sa mga butang nga labing importante?

(Dieter F. Uchtdorf, “Kita Nagbuhat og Dako nga Buhat ug Dili Makaanha,” Ensign o Liahona, Mayo 2009, 59–60)

The Law of Soil Management [Ang Balaod sa Pagdumala sa Yuta]

ELDER WIDTSOE: Sulod sa pipila ka tuig, pinaagi sa pundo nga gihatag sa gobyerno kauban ang akong mga kawani, nakapundok mi og liboan ka tinuod nga impormasyon [data] mahitungod sa umog nga yuta [soil moisture]; apan wala gyud ko kakuha og kinatibuk-ang baruganan bahin niini. Sa katapusan miundang ko.

Ang akong asawa ug ako miadto sa templo nianang adlawa aron makalimot sa kapakyasan. Sa ikatulong endowment room, gikan sa dili makita nga tinubdan, miabut ang solusyon, nga namantala na karon sa kadugay nga panahon. …

Kana mao ang gasa nga moabut niadtong mosulod sa templo sa tukmang paagi, tungod kay kini ang dapit diin malauman ang mga pagpadayag. Mohatag ko kaninyo sa akong personal nga pagpamatuod nga kini tinuod.

(Sa Alan K. Parrish, Modern Temple Worship, 156–57)