11

Tinguhaa ang Pagkat-on ug ang Edukasyon

Pamalandungi:Ang mga propeta miingon nga ang edukasyon mao ang yawe sa oportunidad. Unsa nga ebidensya nga inyong nakita nga kini tinuod?

Tan-awa:“The Glory of God Is Intelligence” (Walay video? Basaha ang sunod nga pahina.)

Hisguti:Nganong si Alexander mituo man nga ang tibuok kinabuhi nga pagkat-on importante? Unsay gibati ni Emelda bahin sa edukasyon ug sa pagtuon og maayo? Sa unsang paagi nga ang PEF loan nakatabang niya? Maayo ba kini nga rason sa pagpangutang?

Basaha:Doktrina ug mga Pakigsaad 88:118–19; Handbook 2, 6.1.1 (naa sa tuo)

“Pangitaa ninyo nga makugihon ug magtudlo sa usag usa sa mga pulong sa kaalam; oo, pangitaa ninyo gikan sa labing maayo nga mga basahon ang mga pulong sa kaalam; pangitaa ang pagtulun-an, gani pinaagi sa pagtuon ug usab pinaagi sa hugot nga pagtuo. … Pagtukod og usa ka balay … sa pagtulun-an.”

Doktrina ug mga Pakigsaad 88:118–19

“Ang [mga miyembro sa Simbahan] kinahanglang molambo sa ilang abilidad sa pagbasa, pagsulat, ug paghimo sa basic mathematics. Kinahanglan silang makaangkon og dakong edukasyon kutob sa ilang mahimo, lakip na ang pormal o teknikal nga pag-eskwela kon posible.”

Handbook 2, 6.1.1

Praktisa:Makapadayon kita sa pagkat-on sa tibuok natong kinabuhi. Sa box sa ubos, isulat ang butang nga inyong bag-ong nakat-unan gikan sa kada usa niining mga tinubdan sa pagkat-on.

Mga Tinubdan sa Pagkat-on	Butang nga Akong Bag-ong Nakat-unan gikan Niining mga Tinubdan
Mga tawo sa akong palibut, akong mga lider
Mga kasinatian sa kinabuhi
Mga libro ug media
Klasehanan/mga magtutudlo
Ang mga kasulatan, ang templo, ang Espiritu Santo

Hisguti:Sa unsang paagi nga kamo makapadayon sa pagkat-on ug paglambo kada adlaw?

I-commit:I-commit nga himoon ang mosunod nga buluhaton sa semana. I-tsek ang mga box kon makompleto ninyo ang matag buluhaton:

• Pangita og mga oportunidad nga makakat-on, ug isulat ang inyong nakat-unan.

• Tudloi ang inyong pamilya bahin sa lain-laing mga tinubdan sa tibuok kinabuhi nga pagkat-on. Ikonsiderar ang mga paagi nga makaangkon ang inyong pamilya og dugang edukasyon—alang sa mga hamtong ug sa mga bata.

• Padayuna pagpraktis ang miaging mga baruganan sa foundation.

“Duna kitay responsibilidad ug hagit nga mabutang ang atong kaugalingon diha sa natad sa negosyo, siyensya, gobyerno, medisina, edukasyon, ug sa tanang maayo ug makatabang nga bokasyon. Duna kitay obligasyon sa pagbansay sa atong mga kamot ug mga hunahuna sa pag-excel diha sa buhat sa kalibutan alang sa pagpanalangin sa tanang katawhan.”

Gordon B. Hinckley, “A City upon a Hill,” Ensign, Hulyo 1990, 5

The Glory of God Is Intelligence

Kon dili mo makatan-aw sa video, pagpili og mga tahas ug basaha kini nga script.

Alexander from Peru

NARRATOR: Si Alexander usa ka tawo gikan sa Peru nga mipahinungod sa iyang kinabuhi sa pagkat-on ug pagtudlo. Iyang gipakigbahin ang mosunod:

ALEXANDER: Sa batan-on pa ko, ang akong amahan mitudlo kanamo sa pagtuon ug sa paghatag og bili sa edukasyon.

Adunay duha ka butang nga atong mabuhat aron mouswag ug molambo niining kinabuhia. Una, magmatinud-anon ug molahutay sa katapusan. Ikaduha, magtuon ug magkat-on.

Akong nakat-unan sa tibuok nakong kinabuhi nga ang edukasyon mao ang yawe sa temporal nga pamaagi aron atong matuman ang atong mga tumong sa kinabuhi.

Nagmisyon ko nga gamay ra kaayo og kahibalo sa ebanghelyo pero dunay dakong tinguha nga mobuhat sa hustong mga butang ug makakat-on.

Wala ko sa mga klasehanan, pero ako nagtuo nga ang akong misyon mao ang labing mahinungdanong panahon sa pagkat-on sa akong kinabuhi.

Gidawat nako ang mga oportunidad nga makakat-on bisan asa pa ko: Sa akong balay, sa trabaho, sa simbahan, sa unibersidad, o bisan sa bus. Kanunay kong naningkamot nga makakat-on.

Ang templo mao ang labing sagrado nga dapit sa akong kinabuhi ug ang labing maayo nga eskwelahan dinhi sa yuta.

NARRATOR: Si Emelda usa ka convert sa Simbahan gikan sa South Africa kinsa nakakab-ot sa iyang damgo pinaagi sa loan sa Perpetual Education Fund. Mipakigbahin siya sa iyang pagpamatuod:

EMELDA: Ang pagkahimong pinakamaayo nga estudyante dili butang nga utang nako sa akong kaugalingon; utang kini nako sa Simbahan! Nasayud ko nga ang pagpasakop sa Ang Simbahan ni Jesukristo sa mga Santos sa Ulahing mga Adlaw modala kanako ngadto sa mas dako nga espirituhanong kahimtang, pero wala gayud nako mahunahuna nga moabli kini sa mga oportunidad alang kanako sa akademikanhong paagi. …

Ang pagkat-on sa ebanghelyo tinuod gayud nga nakapahigmata kanako. Nakapaamgo kini kanako nga ako ang dunay katungdanan sa akong kaugalingong kapalaran. … Bisan unsa pa man ang atong kasamtangang mga kahimtang ug unsay atong gibati, wala koy pagduha-duha nga ang akong Langitnong Amahan dunay maayong mga plano alang kanato.