Unsaon sa Pagsugod

Pamalandungi:Ngano nga ang Langitnong Amahan gusto nga mahimo kong self-reliant? Kon mahimo kitang self-reliant, sa unsang paagi nga mahisama kita Kaniya?

Basaha:Kauban ang grupo, basaha ang sulat gikan sa Unang Kapangulohan (diha sa pahina 2) ug ang pamahayag ni Presidente Monson (naa sa tuo).

“Ang self-reliance … usa ka mahinungdanon kaayo nga elemento sa atong espiritwal ug ingon man sa atong temporal nga kaayohan. … ‘Ang kaluwasan dili maangkon pinaagi sa lain nga baruganan.’”

Thomas S. Monson, “Guiding Principles of Personal and Family Welfare,” Ensign, Sept. 1986, 3

Hisguti:Unsa nga mga saad ang anaa niini nga mga mensahe? Unsa ang inyong katungdanan?

Basaha:Basaha ang Doktrina ug mga Pakigsaad 29:34 (naa sa tuo).

“Ang tanan nga mga butang ngari kanako mga espirituhanon, ug wala mahinabo sa bisan unsa nga panahon nga Ako mihatag nganha kaninyo og balaod nga temporal.”

Doktrina ug mga Pakigsaad 29:34

Hisguti:Unsa ang inyong nakat-unan gikan sa Doktrina ug mga Pakigsaad 29:34 bahin sa pag-eskwela, pagtrabaho, o pagsugod og negosyo? Nganong importante kaayo nga masabtan kini nga kamatuoran?

Basaha:Ang My Foundation usa ka importante nga bahin sa mga miting sa grupo sa self-reliance. Ang mga sakop sa grupo nga motambong sa mga miting ug motuman sa ilang mga commitment makadawat og certificate gikan sa LDS Business College. Adto sa pahina 29 sa pagribyu sa mga requirement aron makadawat og certificate.

Diha sa baruganan 12 sa My Foundation, maghisgut kita bahin sa kaimportante sa mga ordinansa sa templo sama nga kini dunay kalabutan sa self-reliance. Atong malig-on ang tanang aspeto sa atong kinabuhi samtang kita motahud sa mga pakigsaad ug motabang sa pagdala og mga panalangin ngadto sa atong mga katigulangan.