1
Faatinoina o le Faatuatua ia Iesu Keriso
-
Mafaufau Loloto:E faapefea e lou faatuatua ia Iesu Keriso ona aafia ai lou ola tutoatasi?
-
2:3“Exercise Faith in Jesus Christ” (o loo maua i le srs.lds.org. Afai e le mafai ona e faaaogaina le vitio, faitau le tusiga i le itulau o loo sosoo ai.)
-
Talanoa:O le a le mea e mafai ona e faia e faatino ai le faatuatua ia Iesu Keriso o le a fesoasoani ia te oe ia sili atu ona ola-tutoatasi?
-
Faitau:Faitau le Mataupu Faavae ma Feagaiga 104:15 (i le taumatau).
-
Faataitai:Filifili se saunoaga se tasi o loo i lalo ma faitau ia te oe lava. Mafaufau e uiga i le auala e faatatau ai le mau ia te oe a o e saili le ola tutoatasi. Faasoa atu ou manatu i le vaega.
O Mau e uiga i le Faatuatua i le Faatinoga
Ona sa le tuua e Tanielu le tatalo, sa togi ai o ia i se pa o leona, ae “ua auina mai e lou Atua… o ana agelu, ua … punitia ai gutu o leona, … ua le afaina lava o ia, aua na ia faatuatua i lona Atua.” Tanielu 6:22–23 (Tagai foi i fuaiupu 16–21)
“E mafaia mea uma lava i le faatuatua. … Ua oti lava ia. … A o Iesu ua tago ifo ia i lona lima, ma faatu ia te ia; ona tulai lea o ia.” Mareko 9:23, 26–27 (Tagai i fuaiupu 17–22, 24–25)
“Tagi atu mo lafu o o outou fanua, ina ia faateleina.” Alema 34:25
Sa tuuina atu e le Alii ia Liae le Liahona e taitai ai lona aiga, ma “sa galue mo i latou e tusa ma lo latou faatuatua i le Atua. … [Ae] ina ua oo ina latou faapaie, ma galo ona faaaoga lo latou faatuatua ma le filiga … ma latou le alualu i luma i la latou malaga.” Alema 37:40-41
“Ina aumai ia mea e sefuluai ai a outou mea uma lava i le fale e tuu ai mea … ma ia outou tofotofo mai ia te a’u i lenei mea, … pe ou te le toina pupuni o le lagi mo outou, ma sasaa atu le manuia mo outou, ina seia silisili ona tele.” Malaki 3:10
I le vaitaimi o se oge, sa fai atu ai Elia i se fafine ua oti lana tane e avatu ia te ia lana potoi mulimuli. Sa folafola atu e Elia ona o lona faatuatua o le a saunia e le Alii mea e ai mo ia, ma sa le uma lava ana mea e ai. Tagai 1 Tupu 17
“Ua na … fafaga ia te oe i le manai [mo le 40 tausaga] … ina ia na faailoa atu ia te oe e le na o mea e ’ai e ola ai le tagata, a o mea uma e tulei mai i le fofoga o Ieova.” Teuteronome 8:3
-
Faataitai:Tusi ni auala faapitoa se lua e mafai ona e faatino ai le faatuatua ia Iesu Keriso:
-
Tautino:I le aluga o le vaiaso, mafaufau loloto i saunoaga o loo totoe ma mau o loo i luga, ma tautino atu e faia faatino nei. Tuu se togi i pusa pe a e faamaeaina galuega taitasi:
-
Faataitai le faatinoina o le faatuatua ia Iesu Keriso i aso uma.
-
Aoao atu lenei mataupu faavae i lou aiga.
-
FAATINOINA O LE FAATUATUA IA IESU KERISO
Afai e le mafai ona e matamata i le vitio, ia faitau le tusiga lenei.
ELDER BEDNAR: O le faatino o le faatinoina lea o le faatuatua. O loo amoina e le fanau o Isaraelu le atolaau o le feagaiga. Latou te o mai i le Vaitafe o Ioritana. O le folafolaga o le a latou sopoia i luga o le laueleele matutu. O le a le taimi e vaelua ai le vai? Pe a susu o latou vae. Latou te savavali atu i totonu o le vaitafe--faatino. E mulimuli mai ai le mana--e vaeluaina le vai.
Tatou te talitonu i nisi taimi, “Ia, o le a ou maua lenei malamalamaaga atoatoa, ona ou liliuina lea i se mea ou te faia.” Ou te fautuaina le lava o mea ia tei tatou e amata ai. Ua tatou maua se manatu i le itu sa’o. O le faatuatua o se mataupu faavae--o le mataupu faavae--o le faatinoga ma le mana. O le faatuatua moni e taulai atu i ma i luga o le Alii o Iesu Keriso ma e taitai i taimi uma i le faatinoga.
(David A. Bednar, “What Must I Do?” [Vitio o le Mamanu o le Taitaiga, 2014]; David A. Bednar, “Seek Learning by Faith” [lauga i faiaoga o le Matagaluega o Aoga o mataupu faalelotu a le Ekalesia, Fep. 3, 2006], lds.org/media-library)