7

Ia Tasi, Galulue Faatasi

Mafaufau Loloto:O le a le uiga o le “ia tasi”? E faapefea ona fesootai lenei mea i le avea ai ma [tagata] ola tutoatasi?

Maimoa:“In the Lord’s Way [I Le Ala a le Alii]” (A e a pe a le maua le vitio? Faitau le itulau e sosoo ai.)

Talanoa: O le a le mea o aoao mai e lenei savali e uiga i le auauna atu ma fesoasoani i le tasi ma le isi?

Faitau:Mose 7:18; Mataupu Faavae ma Feagaiga 104:15–17 (i le taumatau)

“Ma sa taʼua e le Alii lona nuu o Siona, ona sa tasi o latou loto ma tasi le mafaufau, ma sa mau i le amiotonu; ma sa leai se mativa i totonu o i latou.”

Mose 7:18

“Ma o loʼu faamoemoe o le faia lea o mea mo laʼu au paia, aua o mea uma e a aʼu. Peitai e tatau ona faia i laʼu lava ala; ma faauta o le ala lenei ua folafola e Aʼu, o le Alii, e faia ai mea mo laʼu au paia, e faaea ai e matitiva, i le faamaulaloina o e mauʼoa. Aua ua tumu le lalolagi, ma ua lava ma totoe mea o i ai.”

Mataupu Faavae ma Feagaiga 104:15–17

Faataitai:Fai ia gaoioiga nei:

1. Ia te oe lava, ia mafaufau le leoa e uiga i taleni, tagata fesootai, po o isi punaoa o ia te oe. E mafai faapefea e au meaalofa ona fesoasoani i isi tagata o le vaega ia sili atu ona ola tutoatasi? Tusi ou manatu:

2. O se vaega, ia faasoa i le tasi ma le isi ia taleni, tagata fesootai, ma isi punaoa ua e lisiina. Tusi tagata fesootai po o punaoa o loo i ai i isi e mafai ona fesoasoani ia te oe.

3. Ia lisi i le taimi nei i lalo ia punaoa o loo maua i le nofoaga autu o le ola tutoatasi, e aofia ai faiaoga, komepiuta, ma isi mea. Aisea e te manaomia ai nei punaoa?

4. O a punaoa o loo ia te oe lea e mafai ona fesoasoani ia oe ma isi ia ola tutoatasi?

5. O le a faapefea ona e fesoasoani i isi ia avea ma tagata ola tutoatasi?

6. E mafai faapefea ona e faaaogaina le fesoasoani mai i isi i luga o lou auala?

Faitau:Ina ia faataitai le avea ma e tasi, e mafai ona e faia mea nei:

• Fesoasoani i lou aiga ia sili atu ona lotogatasi ma galulue faatasi.

• Talanoa i tagata o lau uarota o e o ola tutoatasi. Fesili i ai po o ai tagata po o punaoa na fesoasoani ia i latou. Fesili i ai pe mafai ona latou aoaoina oe!

• Alu i nofoaga se tolu i lou alalafaga o loo i ai punaoa e fesoasoani ia te oe ia sili atu ona ola tutoatasi. Tusi i lalo auaunaga e mafai ona latou tuuina mai. Amata ona faaaoga na auaunaga!

Tautino:Tautino atu e fai faatinoga nei i le aluga o le vaiaso. Tuu se togi i pusa pe a e faamaeaina galuega taitasi:

• Faataitai le galulue ma isi (galulue ma lou aiga, tagata o le uarota, ma punaoa o alalafaga e pei ona lisiina atu i luga).

• Aoao atu lenei mataupu faavae i lou aiga.

• Faaauau pea ona faataitai mataupu faavae o faavae ua tuanai.

“Pe a tatou galulue faatasi soosoo tauau, … e mafai ona tatou ausia soo se mea. Pe a tatou faia, tatou te aveese le vaivaiga o le tutoatasi o se tagata e toatasi ma suitulaga i ai le malosiaga o le toatele o tagata e galulue faatasi.”

Thomas S. Monson, “Church Leaders Speak Out on Gospel Values,” Ensign, May 1999, 118

I LE ALA A LE ALII

Afai e le mafai ona e matamata i le vitio, faitau le tusiga lenei.

Peresitene Henry B. Eyring

PERESITENE EYRING: O mataupu faavae i le faavaega o le polokalama uelefea a le Ekalesia, e le mo na o se taimi se tasi po o se nofoaga e tasi. E mo taimi uma ma nofoaga uma. …

O le auala e faia ai e manino. O i latou ua faasolosolo ina tele [ni mea] e ao ona faamaualaloina i latou lava e fesoasoani ia i latou o manaomia le fesoasoani.

O i latou ua matua faateteleina e ao ona ositaulaga ofofua nisi o o latou tulaga mafanafana, o taimi, o tomai, ma punaoa e faamama ai le mafatia o i latou o manaomia le fesoasoani. Ma o le fesoasoani e tuuina atu i se auala e faateleina ai le mana o le tagata e taliaina e tausia i latou lava [ma ona tausia lea o isi].

Afai e faia lenei mea i le ala a le Alii, e mafai ona tupu se mea ofoofogia. E faamanuiaina uma le tagata e foai ma le tagata e taliaina.

(Henry B. Eyring, lauga na tuuina atu i le faapaiaga o le Nofoaga Tutotonu o le Uelefea o le Falesuka i Iuta, ia Iuni 2011, lds.org; o upu i totonu o le puipui ua faaopoopoina e Peresitene Eyring i se faatalanoaga ia Mati 2014)

PERESITENE UCHTDORF: Uso e ma tuafafine, ua tofu i tatou ma se tiutetauave tuuto ia nofouta i manaoga o isi ma auauna atu e pei ona sa faia e le Faaola—e aapa atu, faamanuia, ma sii a’e i latou e siomia i tatou.

E masani lava, o le tali i la tatou tatalo e le oo mai a o tatou tootutuli, ae pe a o tatou savavali, e auauna atu i le Alii ma auauna atu ia i latou e siomia i tatou. O galuega le manatu faapito o le auauna atu ma le faapaiaina e faamamaina ai o tatou agaga, aveese ai una mai o tatou mata faaleagaga, ma toina mai ai pupuni o le lagi. O le avea ma tali i le tatalo a se isi tagata, e masani lava ona maua ai le tali o a tatou lava tatalo.

(Dieter F. Uchtdorf, “Faatalitali i le Auala i Tamaseko,” Ensign po o le Liahona, Me 2011, 76.