11

Saili le Aoaoina ma le Aoaoga

Mafaufau Loloto:Ua saunoa mai perofeta e faapea o aoaoga o le ki lea i avanoa. O le a le faamautinoaga ua e vaaia ai e moni lenei mea?

Maimoa:“The Glory of God Is Intelligence” (A e a pe a le maua le vitio? Faitau i le itulau e sosoo ai.)

Talanoa: Aisea e talitonu ai Alesana o le aoaoina i le olaga atoa e taua? O a ni lagona o Emeleta e uiga i le aoaoga ma le suesue malosi? Na faapefea ona fesoasoani se nonogatupe o le TFA ia te ia? Pe o se mafuaaga lelei lea e nofo aitalafu ai?

Faitau:Mataupu Faavae ma Feagaiga 88:118–19; Tusitaulima 2, 6.1.1 (i le taumatau)

“Ia outou saili ma le filiga ma aoao i le tasi upu o le poto; ioe, ia outou saili mai totonu o tusi sili ona lelei upu o le poto; saili le aoaoina, e ala lava lea i le suesue ma le faatuatua foi. … Faatu se fale … o le aoaoga.”

Mataupu Faavae ma Feagaiga 88:118–19

“[O tagata o le Ekalesia] e tatau ona latou faaleleia lo latou tomai e faitau, tusitusi, ma faia matematika faigofie. E tatau ona latou aooga i le mea sili latou te mafaia, e aofia ai aoga aloaia po o aoga o matata eseese i nofoaga e mafai ai.”

Tusitaulima 2, 6.1.1

Faataitai:E mafai ona tatou faaauau pea le aoaoina i o tatou olaga atoa. I le pusa o loo i lalo, tusi i lalo se mea na e aoaoina talu ai nei mai i punavai nei o le aoaoina.

Punavai o Aoaoga	O Se Mea sa Ou Aoaoina Talu Ai Nei mai i Nei Punavai
Tagata o loo siomia au, o ou taitai faaleperisitua
Aafiaga o le olaga
Tusi ma ala o faasalalauga
Potuaoga/faiaoga
O tusitusiga paia, le malumalu, le Agaga Paia

Talanoa: E mafai faapefea ona e faaauau le aoao ma le tuputupu ae i aso taitasi?

Tautino:Tautino atu e fai faatinoga nei i le aluga o le vaiaso. Tuu se togi i pusa pe a e faamaeaina galuega taitasi:

• Vaavaai mo avanoa e aoao ai, ma tusitusi mea ua e aoaoina.

• Aoao atu lou aiga e uiga i punavai eseese o le aoaoina i le olaga atoa. Mafaufau i auala e mafai ai e lou aiga ona maua nisi aoaoga—mo tagata uma matutua ma tamaiti.

• Faaauau pea le faataitaia o mataupu faavae o faavae ua tuanai.

“Ua ia i tatou se tiutetauave ma se valaaulia e tutu i o tatou tulaga i le lalolagi o pisinisi, saeanisi, malo, vai faafomai, aoaoga ma isi uma galuega taua ma le aoga. Ua ia i tatou se tiute e aotauina ai o tatou lima ma mafaufau ia silisili i le galuega o le lalolagi mo le faamanuiaina o tagata uma.”

Gordon B. Hinckley, “A City upon a Hill,” Ensign, July 1990, 5

O Le Mamalu o le Atua o le Atamai lea

Afai e le mafai ona e matamata i le vitio, atofa atu ni matafaioi i lau vaega ma faitau faatasi.

O Alesana mai Peru

FAAMATALA UPU: O Alesana o se alii mai Peru o le e tuuto atu lona olaga i le aoaoina atu ma le aoaoina mai. Sa ia faasoa mai le mea lenei:

ALESANA: A ou talavou, sa aoao i matou e lou tama e suesue ma faataua le aoaoga.

E lua ni mea e mafai ona tatou faia e alualu ai i luma ma faamanuiaina i lenei olaga. Muamua, ia faamaoni ma tumau seia oo i le iuga. Lona lua, suesue ma aoao.

Sa ou aoao i lou olaga atoa o le aoaoga o le ki lea i tulaga faaletino e tatou te ausia ai o tatou sini faaleolaga.

Sa ou alu i se misiona ma se atamai itiiti o le talalelei ae ma se naunautaiga sili e faia mea sao ma ia aoaoina.

Ou te lei i ai i potuaoga, ae ou te talitonu o lou misiona o se taimi silisili o le aoaoina i lou olaga.

Ou te avea avanoa e aoao ai i soo se mea ou te i ai: I lou aiga, i le galuega, i le ekalesia, i le iunivesite, pe e oo lava i le pasi. Ou te taumafai pea ou te aoao.

O le malumalu o le nofoaga aupito sili ona taua i lou olaga ma le aoga sili i luga o le fogaeleele.

FAAMATALA UPU: O Emeleta o se tagata liliu mai i le Ekalesia mai Aferika i Saute o le na iloa lana miti e ala i se nonogatupe mai le Tupe Faagaga mo Aoga. Sa ia faasoa mai lana molimau:

EMELETA: O le avea ai ma se tagata e sili i le vasega e le o se mea ou te faia mo au lava; ae o se mea e tatau ona ou faia mo le Ekalesia! Sa ou iloa o le auai i Le Ekalesia a Iesu Keriso o le Au Paia o Aso e Gata Ai o le a fesoasoani ia au ia sili atu ona faaleagaga, ae ou te lei vaai faalemafaufau i ai o le a fatuina ai ni avanoa sikolasipi mo au. …

O le aoaoina o le talalelei sa fesoasoani moni ia te au e iloa ai se mea. Sa ou iloa ai o ou te pule i lou lava taunuuga. … E ui i o tatou tulaga o i ai nei ma mea atonu tatou te lagonaina, e leai sou masalosalo o loo i ai i lou Tama Faalelagi ni fuafuaga lelei mo i tatou.