12

Tumau i le Galuega, Mauaina o Sauniga

Mafaufau Loloto:O a mea e taofia ai i tatou mai le faia o mea sili ona taua?

Maimoa:“Doing What Matters Most” (A e a pe a le maua le vitio? Faitau i le itulau e sosoo ai.)

Talanoa: O a nisi o mea le taua e faia e tagata e faamaumau ai o latou taimi? Sa poloaiina e le Alii Iosefa Samita e fau malumalu e ui ina matua matitiva tagata o le Ekalesia. Aisea?

Faitau:Mataupu Faavae ma Feagaiga 84:20; 136:4; 1 Nifae 18:2–3 (i le taumatau)

“O lea, o ona sauniga, ua faaalia ai le mana o le faale-atua.”

Mataupu Faavae ma Feagaiga 84:20

“Ma o le a avea lenei ma a tatou feagaiga—o le a tatou savavali i sauniga uma a le Alii.”

Mataupu Faavae ma Feagaiga 136:4

“Sa ou fauina [le vaa] i le ala na faaali mai e le Alii ia te au; o le mea lea, sa lei tusa ai ma le ala a tagata. Ma o aʼu, o Nifae, sa ou alu soo i le mauga, ma sa ou tatalo soo atu i le Alii; o le mea lea na faaali mai ai e le Alii ia te aʼu mea tetele.”

1 Nifae 18:2–3

Faitau:“O Le Tulafono o le Puleaina o le Eleele” (i le itulau e sosoo ai)

Talanoa: O le a le mea na faaali atu e le Alii ia Elder Widtsoe i le malumalu? O le a le mea na faaali atu e le Alii ia Nifae i luga o le mauga?

Pe a tatou saili le ola tutoatasi, aisea e matua taua ai le agavaa mo le malumalu?

Faatasi ai ma se paga, ia faitau le mau o loo i lalo. O le a le uiga ia te oe e ala i tapuaiga faalemalumalu ua tatou saunia e maua mea tatau uma i o tatou olaga? Talanoa pe o le a le uiga o lenei mea i lou olaga ma lau sini o le ola tutoatasi.

“Ma ia e tuuina mai, Le Tama Paia e, ia aoaoina e i latou uma o e e tapuai atu i lenei fale … ma saunia e maua mea manaomia uma.”

Mataupu Faavae ma Feagaiga 109:14–15

Tautino:Tautino atu e fai faatinoga nei i le aluga o le vaiaso. Tuu se togi i pusa pe a e faamaeaina galuega taitasi:

• Faataitai le ia agavaa mo le malumalu i aso uma.

• Aoao atu lenei mataupu faavae i lou aiga. Aoao i latou i le auala o le a fesoasoani ai le auai i le malumalu ia i latou e faamanuiaina ai faaleagaga ma faaletino, ma talanoaina ma i latou mea e tatau ona e faia e maua ai le mana o le Alii o loo maua i totonu o sauniga o le malumalu.

• Faaauau pea le faataitaia o mataupu faavae o faavae ua tuanai.

“O le a faamanuia i tatou e le Alii a o tatou auai atu i sauniga paia o galuega o malumalu. O faamanuiaga iina e le na o tatou auaunaga i le malumalu e faatatau i ai. O le faamanuiaina i tatou i mea uma i o tatou olaga. O le a tatou agavaa e tuu atu i le Alii e ave se faaopoopoga i o tatou tulaga faaleagaga ma faaletino.”

Boyd K. Packer, The Holy Temple (1980), 182

O Le Faia o Mea e Sili ona Taua

Afai e le o mafai ona e matamata i le vitio, faitau le tusiga lenei.

FAAMATALA UPU: I se po pogisa ia Tesema sa pau ai se vaalele i Forida. E silia ma le 100 tagata sa maliliu. E na o le 20 maila le mamao mai le saogalemu.

PERESITENE UCHTDORF: Ina ua mavae le faalavelave, sa taumafai tagata suesue e fuafua le mafuaaga. Sa lelei lava ona tuu i lalo le kia e tulaueleele ai. Sa matua lelei atoatoa le tulaga tau masini o le vaalele. Sa galulue lelei totoga uma—mea uma lava sei vagana ai se mea se tasi: o se tamai matauila. O lena tamai matauila—pe na o le 20 sene lona tau—na amataina le filifili o mea na tutupu ma iu ai i le oti matautia o le silia ma le 100 tagata.

O le mea moni, o le matauila na lei ola e lei mafua ai le faalavelave; na tupu ona ua tuu e le auvaa lana taulaiga i se mea sa foliga mai e afaina i lena lava minute ae galo ai le mea e aupito sili ona afaina ai.

O le lilifa atu e taulai i mea e le taua a o faatuatuanai mea e aupito sili ona taua, e le na o pailate e tutupu ai ae o tagata uma lava. E lamatia uma lava i tatou. … Pe taulai ea ou mafaufauga ma lou loto i mea ua na o sina taimi e afaina ai, po o mea e aupito sili ona afaina ai?

(Dieter F. Uchtdorf, “O Loo Tatou Faia le Galuega Tele ma Ua Le Mafai ona Tatou O Ifo i Lalo,” Ensign po o le Liahona, Me 2009, 59–60)

O Le Tulafono o le Puleaina o le Eleele

ELDER WIDTSOE: Mo ni nai tausaga, i le faaaogaina o tupe mai le malo faatasi ai ma lau au faigaluega, sa matou aoina ai le faitau afe o faamaumauga e faatatau i le eleele lelei; ae sa ou le mafai ona mamanuina se mataupu faavae lautele e faatatau i faamaumauga uma. Sa iu lava ina ou musu.

Sa ma o ma lou toalua i le malumalu i lena aso ina ia faagalo ai le le faamanuiaina. I le potu lona tolu o faaeega paia, mai se punavai e lei vaaia, na oo mai ai le fofo, lea ua leva ona lolomiina. …

O le meaalofa lena e oo mai ia i latou o e ulufale i le malumalu ma le tatau, aua o se nofoaga lea e mafai ona maua ai faaaliga. Ou te faasoa atu lau molimau patino e moni lava.

(I le Alan K. Parrish, Modern Temple Worship, 156–57)