4

Puleaina o Tupe

Mafaufau Loloto:Aisea e matua faigata ai le puleaina o tupe—ma e taua tele?

Maimoa:“First Things First!” (A e a pe a le maua le vitio? Faitau le itulau e sosoo ai.)

Talanoa: O le a se mea sa e aoao mai i nei fanau? Aisea e tatau ai ona tatou tausia se faamaumauga o a tatou tupe? Aisea e tatau ai ona tatou sefeina se tupe?

Faitau:Saunoaga mai le Ia Saunia Mea Tatau Uma; Mataupu Faavae ma Feagaiga 104:78 (i le taumatau)

“O le totogi o sefuluai ma taulaga, … aloese mai le aitalafu, … faaaoga se paketi, … iloa le auala e faaitiitia ai lou faaaluina o tupe mo mea e le taua … [ma] pulea oe lava e ola i totonu o lau fuafuaga o le paketi.”

Ia Saunia Mea Tatau Uma: O Mea Tautupe A Le Aiga (tamaitusi, 2007), 3

“O lenei foi, e moni Ou te fai atu ia te outou, e faatatau ia outou aitalafu—faauta o loʼu loto e tatau ona outou totogi a outou aitalafu uma.”

Mataupu Faavae ma Feagaiga 104:78

Faataitai:O laasaga nei e fa e mafai ona e faia e pulea ai au tupe ina ia mafai ona sili atu lau auaunaga i isi. Mulimuli i laasaga nei: O se vaega, ia talanoa e uiga pe mafai faapefea ona faia lenei mea o se mausa.

❶

Galue Malosi ma Atamai

Tautino atu i lau pule e te galue malosi i aso taitasi. Tautino e taua oe. Ia faamaoni.

❷

Totogi Sefuluai ma Taulaga

Pe a e mauaina ni tupe patino, ia totogi muamua le sefuluai. Ona mafai lea e le Atua ona faamanuia oe.

❸

Ia Itiiti le Tupe e Faaaoga Nai lo Le Tupe Maua

Faatulaga se paketi. Faamaumau tupe e te maua ma faaaluina. Aloese mai le aitalafu. Ia sili atu tupe e mauaina. Ia itiiti le tupe e faaaoga nai lo le tupe e te maua.

❹

Faaopoopo i Tupe Sefe i Aso Uma

Sefe tupe i aso uma mo le filemu ma le saolotoga.

Tautino:Tautino atu e faia faatinoga nei i le aluga o le vaiaso. Tuu se togi i pusa pe a e faamaeaina galuega taitasi.

• Faataitai le puleaina o au tupe i aso uma.

• Aoao atu lenei mataupu faavae i lou aiga.

• Faaauau pea le faataitaia o mataupu faavae o faavae ua tuanai.

“E foliga mai o loo i ai se atamai o le faaagavaaina i tu ma aga o aso nei. … A oo ina tatou pagatia i aitalafu soona fai, ua tatou … tuu i tatou lava i le nofopologa na faatupu e i tatou lava, ma faaalu ai o tatou taimi uma, o lo tatou malosi, ma a tatou mea uma e toe totogi ai a tatou aitalafu. … E taua lo tatou … atiina ae se fuafuaga o tupe teu ma tupe faaalu —se paketi— ma ia iloa le eseesega o manao ma mea e manaomia.”

Robert D. Hales, “Seek and Attain the Spiritual High Ground in Life” (Faigalotu a le Matagaluega o Aoga a le Ekalesia, Mat. 2009), 6–7; speeches.byu.edu

Motugaafa e Faagaoioia ai

Fai atu i se tasi e faasoa atu pe faapefea e nei mataupu faavae ona avea ma faamanuiaga i lona aiga.

E Muamua Mea e Faamuamua!

Afai e le mafai ona matamata i le vitio, filifili matafaioi ma faitau le tusiga lenei.

teine ma le tama talavou

NOFOAGA: O le tama ma le teine talavou, o loo laeiina ofu a tagata matutua, faatino e pei o o latou matua.

TAMA: Lea ua ou le fale, pele.

TEINE: Susu mai i le fale. Auoi, e te foliga vaivai.

TAMA: Faapena oe. E te galue malosi, a ea?

TEINE: Ia, e tatau ona ta galulue, e tatau mo taua?

TAMA: Sa ou maua le 10 i lenei aso.

TEINE: Oka, o se faamanuiaga. O lea, e muamua mea e faamuamua. Sei o ta totogi la ta sefuluai, ta faia?

TAMA: Ae a pe a le lava se ta tupe?

TEINE: O iina e oo mai ai le faatuatua!

TAMA: Lelei. O le a le mea e sosoo ai?

TEINE: Ia, e tatau ona ta faatauina meaai, pasese o le pasi, ma totogi le fale mautotogi. Ma, e manaia pe a faatau se nofoa. …

TAMA: Ae e le mafai. Vaai? E le lava se ta tupe.

TAMA: E mafai ona ta nonoina ni tupe?

TAMA: Latou te fai mai e leaga le aitalafu. Ta te le mananao e oo i ni puapuaga.

TEINE: Lelei. E sa’o oe. O le a le ta mea e fai i le tupe lea?

TAMA: Se’i o ta sefeina! E te iloa le mea o le a tupu.

TEINE: E lagona le sao o lena mea. Ae e leai se mea o totoe mo le fiafia.

TAMA: Lea e ia i taua! Ma o le a ou taumafai e maua nisi tupe.

TEINE: O le a ou taumafai e faaitiitia le faaaluina o tupe!

TAMA: O lena auala e mafai ai ona ta fiafia—ma ola tutoatasi!

TEINE: Sao! Sa le faigata tele lena mea. Aisea e matua faafaigata ai e tagata matutua?

TAMA: Oi, na e te iloa. O uiga na o tagata matutua!