5

Galue: Taulimaina le Tiutetauave

Mafaufau Loloto:Aisea e te lagona ai e finagalo le Tama Faalelagi ia i tatou e taulimaina tiutetauave patino mo o tatou olaga?

Maimoa:“Sedrick’s Journey [O Le Malaga a Sedrick]” (A e a pe a le maua le vitio? Faitau le itulau e sosoo ai.)

Talanoa: Na faapefea ona faaaoga e Sedrick lona faitalia ma taulimaina le tiutauave mo lona lumanai? Faamata o le a le mea e tupu ia Sedrick pe afai e na te tuuaia se isi tagata mo ona luitau?

Faitau:2 Nifae 2:16, 26; Mataupu Faavae ma Feagaiga 42:42 (i le taumatau)

“O le mea lea, na tuuina mai ai e le Alii le Atua i le tagata ia tatau ona ia fai mo ia lava … [ma o alii ma tamaitai ua saoloto] e fai mo i latou lava ae le faamalosia.”

2 Nifae 2:16, 26

“Aua e te paie; ona o ia e paie o le a lē ʼaia le areto pe ofu i ofu o lē e galue.”

Mataupu Faavae ma Feagaiga 42:42

Faataitai:Liliu atu i se tagata o le vaega o latalata ia te oe. Faitau faatasi le saunoaga o loo i lalo a le Perofeta o Iosefa Samita: Ua ia faamatalaina lona tulaga patino a o tuputupu ae. Talanoaina fesili nei:

• O le a lona tulaga faaletino?

• O a mea ua e aoao e uiga i le ola tutoatasi mai i upu a le Perofeta?

• O le a le uiga o le [saunoaga] a le Perofeta e ala i le “galulue pea lava”?

“Ona o tulaga faalelalolagi o loʼu tamā sa faalēlava tele, sa tatau ai ia te i matou ona galulue i o matou lima, i le galulue totogi i le aso ma isi mea, pe a matou maua le avanoa. O ni isi taimi sa matou i le fale, ma o ni isi taimi sa matou i fafo, ma o le galulue pea lava na mafai ai ona matou maua se olaga lelei.”

Iosefa Samita—Talafaasolopito 1:55

Faataitai:Mafaufau e uiga i le auala e sili atu ai le taulimaina o tiutetauave mo lou ola tutoatasi. Tusi ni suiga se lua pe tolu e te manao e fai i au amioga po o uiga faaalia.

Tautino:Tautino atu e fai faatinoga nei i le aluga o le vaiaso. Tuu se togi i pusa pe a e faamaeaina galuega taitasi:

• Faataitai le taulimaina o tiutetauave i aso uma.

• Aoao atu lenei mataupu faavae i lou aiga.

• Faaauau pea ona faataitai mataupu faavae o faavae ua tuanai.

“Na mamanuina e le Atua lenei olaga faaletino e manaomia ai le tauiviga faifai pea. … O le galue e mafai ai ona tausia ma faamauoaina le olaga. … O le galue e atiina ae ai ma faaleleia uiga, e foafoa ai le matagofie, ma o le meafaigaluega o la tatou auaunaga a le tasi i le isi ma le Atua. O se olaga faapaiaina e tumu i le galue, o nisi taimi e fai faafia, … o nisi taimi e le talisapaiaina, ae o le galue e faaleleia ai, … e siitia ai, [ma] saili atu ai i mea e sili atu.”

D. Todd Christofferson, “Toe Manatunatuga i se Olaga Faapaiaina,” Ensign po o leLiahona, Nov. 2010, 17

O le Malaga a Sedrick

Afai e le mafai ona e matamata i le vitio, faitau le tusiga lenei.

o le tamaloa o loo aveina ni fai i luga o lana uila vili vae

SEDRICK: O lou igoa o Sedrick Kambesabwe. Ou te nofo i le Ripapelika Faatemokalasi o Congo. O au o se tagata o le Ekalesia a le AAG.

O au o se faifeautalai o le paranesi i le nuu o Kipusanga. E manaomia ona ou saunia e alu i se misiona i atunuu mamao. Ina ia mafai ona alu i se misiona, ou te manaomia se tusifolau, lea ua 250 tala amerika i le taimi nei.

Ina ia maua se tupe, e faatau atu e au ma lou tama ni fa’i. O nisi o nuu e gaosia le tele o fai: O Tishabobo, Lusuku, ma Kamanda.

O Tishabobo e tusa ma le 9 maila mai iinei. O Lusuku e 18 maila. E 18 foi Kamanda. Mate o iina ma faatau ia fai, ma aumai iinei ina ia faatau atu.

E mate faaaogaina se uila vilivae e malaga atu ai i nuu. E mafai ona ma avea ni faaputuga o fai se lima pe ono.

Pe a ou malaga i le uila vilivae, e alu ai le itula ma le afa i itu taitasi, pe a lelei le uila ma o loo ou maua le malosi. A oo i le aoauli ma ua vevela tele, e telegese lou alu ona o le vevela ma le la.

E mafai ona ou faia ni malaga se lua i le aso pe afai ou te vave ala i le taeao. O se auala lelei e fesoasoani e totogi ai mo lau tusifolau.

Lea la ua ou mauaina ni tupe, e itiiti i lea taimi, o lea la ua ou sefeina mo lau aoga ma le misiona. Ma o le taimi lenei, i le mavae ai o le fa tausaga o faigaluega, ua lava nei le tupe mo lau tusifolau, faaopoopo i ai le 70 tala amerika ua sefeina.