6

Foia Faafitauli

Mafaufau Loloto:Aisea e te lagona ai e faataga e le Tama Faalelagi ona tatou oo i faafitauli ma luitau?

Maimoa:“Solve Problems and Make Decisions [Foia Faafitauli ma Fai ia Faaiuga]” (A e a pe a le maua le vitio? Faitau le itulau e sosoo ai.)

Talanoa: O le a le mea na faia e Mamoe e fesoasoani ai ia Puaa e foia lana faafitauli? (Mafaufau pe na faapefea ona ia fesoasoani ia te ia e faailoa le faafitauli moni, vaavaai i ana filifiliga, ma ona faia lea o se faaiuga ma faatino.)

Faitau:Eteru 2 ma le 3 (faitau na o fuaitau o i le itu taumatau)

“Ma sa oo ina tagi atu le uso o Iareto i le Alii, ua fai atu … ua ou faia vaa … [ma] ua leai se malamalama i totonu o i latou. … Ma sa fetalai mai le Alii … O le a se mea tou mananao ia ou faia … ? [Ma o le uso o Iareto sa] gaosi mai se papa ni maa laiti se sefulu ma le ono … ma toe tagi atu i le Alii, ua fai atu … ua ou iloa, Le Alii e, ua ia te oe le mana uma. … O lea, pai mai i nei maa … ina ia susulu atu i le pogisa.”

Eteru 2:18–19, 23; 3:1, 4

Talanoa: O le a le mea na faia e le uso o Iareto ina ia foia ai lana faafitauli?

Faataitai:I lalo o loo i ai ni laasaga se tolu e mafai ona e faia e foia ai faafitauli o soo se ituaiga i le tatalo ma le faatuatua. Faitau ma talanoaina i latou ma se tagata o se vaega. O outou taitoatasi e tatau ona faailoa mai se faafitauli patino o loo feagai ma oe ma fai ia laasaga.

triangle diagram

Foia Faafitauli

❶

Faailoa

O le a tonu le faafitauli?

❷

Suesue ia Filifiliga

O a ni fofo e mafai ona maua?

O le fea e sili atu ona lelei?

❸

Filifili ma Faatino

Tatalo mo le taitaiga. Filifili. Ona faatino lea ma le faatuatua. O ni taunuuga lelei? A leai, toe taumafai laasaga 1-3.

Aua le fiu!

Faataitai:Piki se faafitauli o loo tou feagai o se aiga ma tusi iinei:

I le aluga o le vaiaso, galue i lenei faafitauli ma lou aiga. Manatua, aua le fiu! E alu ai le taimi e foia ai faafitauli ma faia ni suiga.

Tautino:Tautino atu e fai faatinoga nei i le aluga o le vaiaso. Tuu se togi i pusa pe a e faamaeaina galuega taitasi:

• Faataitai laasaga mo le foia o faafitauli na e tusia i luga.

• Aoao atu lenei mataupu faavae i lou aiga.

• Faaauau pea ona faatino mataupu faavae o faavae ua tuanai.

“O nisi taimi e manaomia ai ni faiga atamai e faafeiloai atu ai i tagata a’oga e faamasani ai i tulaga i totonu o le alaalafaga. O loo i ai ni a tatou taiala ma ni mataupu, peitai e finagalo le Alii ia i tatou ia tatou fesoasoani e foia o tatou lava faafitauli. … O i tatou o ni tagata e mafaufau ma iloilo. Ua ia i tatou le agavaa e iloiloina ai mea tatou te manaomia, e fuafua ai, e faatuina ai ni sini, ma foia ai o tatou faafitauli. … O le tele o taimi ua tausisi ai tagata i manatu, i mea fou, ma faiga e le aumaia ai ni faaiuga lelei i le olaga. O le faiga limalima o se faaiuga pulea lea e faataunuuina ai mea manaomia o le olaga.”

Robert D. Hales, “O Meaalofa Lelei Uma,” Liahona, Tes. 1984, 8–9

Motugaafa e Faagaoioia ai

Faaopoopo le malosi i talanoaga. Ia faaaofia ai tagata uma.

Foia Faafitauli ma Faia Faaiuga

Afai e le mafai ona e maimoa i le vitio, filifili matafaioi ma faitau le tusiga lenei.

PUAA: Ua ou mole a! Ua alu le faifaatoaga. E paie lana tama ma e leai sau meaai! O le a la’u mea o le a fai?

MAMOE: Puaa? Puaa! O le a le faafitauli?

PUAA: Faafitauli? Faafitauli? E iloa gofie a, a ea? Ua ou mole a!

MAMOE: Aaaa. E le o sou faafitauli lena.

PUAA: Ea? O le a le uiga o lau tala? Ua ou fiaai! Ma e le o faia e le la tamaitiiti paie lana galuega.

MAMOE: Sao, ae o lana faafitauli lena. O lou faafitauli o le, O fea e mafai ona e alu ai e maua ai ni meaai?

PUAA: O au? Sue ni meaai?

MAMOE: Lena tonu lava. O a au filifiliga?

PUAA: Ia, e mafai ona ou nofo iinei ma faatali!

MAMOE: O se tasi lena o filifiliga. O lelei la lena mea?

PUAA: Ioe. … Ia. … Pe ana mafai ona ou alu i fafo, atonu e mafai ona ou maua ni meaai i le lapisi.

MAMOE: O le isi na filifiliga. Lea ou te matauina sa tatala e le tama lau pa.

PUAA: Ioe, ae ou te lei alu ese lava mai iinei. Ma atonu nei tei ua leai ni meaai iina.

MAMOE: Ia, atonu ua oo i le taimi e faia ai le faaiuga ma fai se mea—nofo pe alu loa.

PUAA: Lelei. O lau faafitauli, e sao?

MAMOE: Aea.

PUAA: Ma o le faaputuga lapisi o lau filifiliga lelei lea.

MAMOE: Pe a e manatu i ai.

PUAA: O lea ou te manaomia ona faia se faaiuga ma faatino.

MAMOE: E pei lava.

PUAA: Ia lelei. … Ia lelei. … Ia, … lea. [Amata ona ai.] Ei, Mamoe, seki a le meaai lea.

MAMOE: Lelei tele, Puaa!