“Mahitungod sa Daang Tugon,” Mga Istorya sa Daang Tugon (2022)
“Mahitungod sa Daang Tugon,” Mga Istorya sa Daang Tugon
Mahitungod sa Daang Tugon
Mga saad sa Langitnong Amahan ngadto sa Iyang mga anak dugay nang panahon ang milabay
Ang unang bahin sa Balaang Biblia mao ang Daang Tugon. Kini nga mga kasulatan gisulat dugay na kaayong panahon ang milabay, gani sa wala pa matawo si Jesukristo. Aduna kini mga istorya nga makatabang kanato sa pagbaton og hugot nga pagtuo Kaniya. Nagtudlo kini kanato nga ang matag tawo sa yuta usa ka bahin sa pamilya sa Langitnong Amahan ug nga Siya nahigugma sa Iyang mga anak.
Deuteronomio 7:7–9; Isaias 45:10–12
Diha sa Daang Tugon, si Jesukristo gitawag og Jehova ug ang Ginoo. Nagsunod siya sa mga instruksiyon sa Langitnong Amahan. Sukad sa panahon ni Adan ug ni Eva, ang Langitnong Amahan mipadala ni Ginoong Jesukristo nga makigsulti ngadto sa Iyang mga propeta. Ang Langitnong Amahan mipadala sa Espiritu Santo aron matabangan kita nga mahibalo nga ang mga pulong sa usa ka propeta tinuod.
Exodo 6:2–3; 2 Cronicas 20:20; Amos 3:7; 2 Pedro 1:21; Moises 2:1
Ang Ginoo misaad ni Propeta Abraham ug sa iyang asawa nga si Sarai nga ang ilang pamilya modaghan ug mopanalangin sa tibuok kalibotan. Ang ilang apo nga si Jacob adunay dako nga pamilya nga nahimong usa ka nasod. Gitawag sila nga balay sa Israel, o mga Israelita. Ang mga propeta mitudlo kanila sa pagpaabot kon kanus-a si Jesukristo moabot.
Genesis 15:5–6; 17:1–8; Deuteronomio 18:15; Isaias 7:14
Daghang istorya sa Daang Tugon ang nagpakita kon giunsa sa Ginoo pagtuman ang Iyang mga saad ngadto sa mga Israelita.
Genesis 9:13–17; Jeremias 11:4–5; Mga Hebreohanon 11:1–35
Dihang ang mga Israelita naminaw sa mga propeta ug mituman sa mga sugo, ang Ginoo mitabang kanila. Dihang misupak sila, Siya dili mahimong motabang nila.
Deuteronomio 11:26–28; Job 36:11–12
Kabahin ikaw sa pamilya sa Langitnong Amahan. Ang Langitnong Amahan mabination, ug Siya nahigugma kanimo. Siya adunay plano alang nimo. Tungod ni Ginoong Jesukristo, ikaw makabalik na usab sa pagpuyo uban sa Langitnong Amahan. Sama nga ang mga Israelita gitudloan, ikaw makapili sa pagbaton og hugot nga pagtuo sa Ginoo ug pagtuman sa Iyang mga sugo.