1 Samuel 1–2

Hana

Ang tubag sa Ginoo sa usa ka matinud-anong babaye

Matag tuig, si Hana ug ang iyang bana mobiyahe ngadto sa balay sa Ginoo, sa templo. Si Hana walay mga anak, mao nga subo kaayo siya. Nagpuasa ug nag-ampo siya alang sa usa ka anak nga lalaki. Misaad si Hana nga kon makaanak siya og lalaki, ang iyang anak magtubo sa pagserbisyo Kaniya.

1 Samuel 1:1–11

Usa ka pari nga ginganlan og Eli nakakita kang Hana nga naghilak. Siya miingon niya nga ang Ginoo motubag sa iyang pag-ampo. Si Hana misalig sa Ginoo ug milaom.

1 Samuel 1:12, 17–18

Nianang tuiga, si Hana nanganak og batang lalaki. Iya siyang ginganlan og Samuel.

1 Samuel 1:20–23

Si Hana mituman sa iyang saad ngadto sa Ginoo. Dihang igo na ang pangedaron ni Samuel, siya midala niya aron moserbisyo sa balay sa Ginoo. Miserbisyo siya kauban ni Eli, ang pari. Si Hana padayon nga mibisita ni Samuel. Siya gidad-an niya og mga sinina nga iyang gihimo alang kaniya. Ang Ginoo mipanalangin ni Hana og lima pa ka anak.

1 Samuel 1:24–28; 2:21