“Ang mga Israelita didto sa Kamingawan,” Mga Istorya sa Daang Tugon (2022)
“Ang mga Israelita didto sa Kamingawan,” Mga Istorya sa Daang Tugon
Ang mga Israelita didto sa Kamingawan
Nagkat-on sa pagsalig sa Ginoo
Human dayon mibiya sa Ehipto ang mga Israelita, nagbagulbol sila nga wala silay igong pagkaon. Miingon sila nga mas maayo pang magpaulipon sa Ehipto kay sa mamatay sa gutom sa kamingawan.
Aron matudloan ang mga Israelita sa pagsalig Kaniya, ang Ginoo nagpadala og pan gikan sa langit nga ilang mapunit matag adlaw. Gitawag nila ang pan og mana. Daw dugos ang lami niini. Ang Ginoo wala magpadala og mana sa Adlawng Igpapahulay, sa ikapito nga adlaw sa semana. Mao nga sa ikaunom ka adlaw, Siya miingon kanila sa pagpunit og mana nga igo sa duha ka adlaw.
Sulod sa mubong panahon, ang Ginoo mipadala usab sa mga Israelita og langgam nga buntog nga kaonon. Sa pagkabuntag namunit sila og mana, ug sa gabii, nagtigom sila og langgam nga buntog. Ang Ginoo gusto nga makakat-on ang mga Israelita sa pagsalig Kaniya. Niini nga paagi, Siya miatiman kanila didto sa kamingawan.