2 Mga Hari 6

Eliseo ug ang Kasundalohan sa Ginoo

Ang mga karwahe nga kalayo sa Ginoo

Ang mga taga-Siria dili ganahan sa mga Israelita. Ang hari sa Siria mipadala sa iyang kasundalohan sa pagdakop ni Eliseo ang propeta. Sa pagkagabii, ang kasundalohan mipalibot sa siyudad diin anaa si Eliseo.

2 Mga Hari 6:8–14

Ang batan-ong sulugoon ni Eliseo ningmata ug nakakita sa kasundalohan sa Siria. Nangutana siya ni Eliseo unsay angay nilang buhaton. Giingnan ni Eliseo ang batan-ong lalaki sa dili pagkahadlok. Miingon siya nga ang kasundalohan nga makig-away uban kanila mas daghan kay sa kasundalohan nga makig-away batok kanila.

2 Mga Hari 6:15–16

Si Eliseo mihangyo sa Ginoo nga pakitaon ang batan-ong lalaki sa unsay nakita ni Eliseo. Ang Ginoo mipakita kaniya og usa ka langitnong kasundalohan nga dunay mga kabayo ug mga karwahe nga kalayo sa pagpanalipod kanila. Ang kasundalohan sa Siria nabuta pinaagi sa gahom sa Dios. Wala na sila makig-away batok sa mga Israelita.

2 Mga Hari 6:17–23