“Nehemias,” Mga Istorya sa Daang Tugon (2022)
“Nehemias,” Mga Istorya sa Daang Tugon
Nehemias 1–2; 4; 6
Nehemias
Pagtukod og balik sa paril sa Jerusalem
Si Nehemias usa ka Judeo nga nagpuyo sa Persia. Siya ang sinaligan nga sulugoon sa hari. Usa ka adlaw nakadungog si Nehemias nga ang mga Judeo sa Jerusalem nanag-antos. Ang mga paril nga nanalipod sa Jerusalem naguba ug wala na gayod matukod og balik. Nameligro ang Jerusalem. Nagpuasa ug nag-ampo si Nehemias alang sa tabang sa Ginoo.
Nangutana ang hari kang Nehemias nganong masulob-on kaayo siya. Giingnan niya ang hari bahin sa pagpameligro sa Jerusalem. Ang hari miingon nga makatabang siya. Mihangyo si Nehemias nga moadto sa Jerusalem ug itukod og balik ang paril. Ang hari mihimo ni Nehemias nga lider ug mihatag kaniya sa mga suplay nga iyang gikinahanglan.
Si Nehemias ug ang mga Judeo misugod sa pagtukod sa mga paril sa Jerusalem. Apan ang ilang mga kaaway namugalbugal kanila ug misulay sa pagpahunong kanila.
Ang mga kaaway misulay og bitik ni Nehemias aron mobiya sa siyudad. Apan si Nehemias dili mobiya. Misalig siya sa Ginoo. Naghimo siya og talagsaon nga buhat.
Giingnan ni Nehemias ang iyang katawhan sa dili pagkahadlok. Mibutang sila og mga guwardiya dapit sa paril aron luwas kini. Ang mga Judeo padayon nga nagtukod sa paril. Ang Ginoo mihatag sa mga Judeo og kalig-on, ug ilang nahuman ang paril sulod sa 52 ka adlaw. Ang Jerusalem luwas na usab.