“Daniel ug ang Langub sa mga Leon,” Mga Istorya sa Daang Tugon (2022)
“Daniel ug ang Langub sa mga Leon,” Mga Istorya sa Daang Tugon
Daniel 6
Daniel ug ang Langub sa mga Leon
Kaisug sa usa ka tawo sa pag-ampo
Si Dario nahimong magmamando sa tibuok Babilonia. Nahigugma siya ni Daniel ug gusto niyang himoon nga lider sa tibuok gingharian. Pipila sa maalamong mga tawo sa hari nasina.
Ang maalamong mga tawo nahibalo nga si Daniel mag-ampo sa Dios, busa ilang gilingla ang hari ngadto sa paghimo og usa ka bag-ong balaod. Bisan kinsa ang mag-ampo sa Dios ibalhug ngadto sa langub sa mga leon.
Si Daniel mipili sa pag-ampo sa Dios bisan pa niana. Nakita sa maalamong mga tawo si Daniel nga nag-ampo ug gisultihan ang hari nga gilapas ni Daniel ang balaod. Nakaamgo ang hari nga ang iyang maalamong mga tawo milingla kaniya. Naninguha siya sa pagpangita og paagi sa pagluwas ni Daniel, apan ang hari kinahanglan nga mosunod sa iyang kaugalingong balaod.
Gibalhug si Daniel ngadto sa langub sa mga leon. Nagpabiling nagmata ang hari sa tibuok gabii, nagpuasa aron si Daniel mapanalipdan.
Sayo sa sunod buntag, midali ang hari ngadto sa langub sa mga leon. Gitawag niya si Daniel aron mahibaloan kon siya buhi pa ba. Mitubag si Daniel! Gisultihan niya ang hari nga ang Dios mipadala og anghel sa pagtak-um sa mga ba-ba sa mga leon. Ang mga leon wala mopasakit kaniya.
Malipayon ang hari nga si Daniel luwas. Gisilutan niya kadtong maalamong mga tawo kinsa milingla kaniya, ug iyang gihunong ang balaod. Gitudloan niya ang iyang gingharian mahitungod sa gahum ug kaayo sa Dios.