“Pamilya ni Adan ug ni Eva,” Mga Istorya sa Daang Tugon (2022)
“Pamilya ni Adan ug ni Eva,” Mga Istorya sa Daang Tugon
Pamilya ni Adan ug ni Eva
Pagpili sa pagsunod sa Ginoo
Human si Adan ug Eva mibiya sa Tanaman sa Eden, padayon sila nga nagkat-on bahin sa plano sa Langitnong Amahan alang kanila dinhi sa yuta. Daghan sila og anak ug gitudloan sila sa tanan nga ilang nahibaloan mahitungod sa Ginoo. Ang uban sa mga anak ni Adan ug ni Eva mipili nga mosunod sa Ginoo. Apan ang uban kanila mipili nga dili mosunod.
Ang pamilya ni Adan ug Eva nagtipig og libro sa panumdoman. Gisulat nila ang ilang family history sa libro. Gisulat nila kon giunsa sa Ginoo pagtabang kanila.
Si Cain ug Abel mao ang duha sa mga anak nga lalaki ni Adan ug Eva. Si Abel nahigugma sa Ginoo ug mipili sa pagsunod Kaniya. Si Cain wala mosunod sa Ginoo. Gipili niya ang pagsupak.
Ang pamilya ni Adan ug Eva padayon nga nagkadako. Mas daghang tawo pa ang gipanganak. Tanan sila dunay kagawasan sa paghimo og mga pagpili. Sa kadugayan, ang ubang mga tawo mibatok sa mga sugo sa Ginoo. Ang Ginoo mipadala og mga propeta nga motudlo sa katawhan sa paghinulsol.