“Abraham ug Isaac,” Mga Istorya sa Daang Tugon (2022)
“Abraham ug Isaac,” Mga Istorya sa Daang Tugon
Genesis 17; 21–22
Abraham ug Isaac
Usa ka amahan, usa ka anak, ug usa ka sakripisyo
Si Abraham ug si Sara adunay usa ka batang lalaki nga masuso, ingon lamang sa gisaad sa Ginoo. Ginganlan nila siya og Isaac.
Gihigugma nila si Isaac. Ilang gitudloan siya sa pagpili sa matarung ug sa pagsalig sa Ginoo.
Ang Ginoo misaad ni Abraham ug Sara nga pinaagi ni Isaac ang ilang pamilya modaghan aron sa pagpanalangin sa tibuok yuta. Apan usa ka adlaw niana misulti ang Ginoo kang Abraham sa pagdala ni Isaac ngadto sa Bukid sa Moria ug ihalad si Isaac isip usa ka sakripisyo.
Sa ilang pagpadulong ngadto sa bukid, nangutana si Isaac kon hain ang karnero alang sa sakripisyo. Miingon si Abraham nga ang Ginoo mohatag niini.
Sa Bukid Moria, mihimo si Abraham og altar ug mibutang og kahoy ibabaw niini.
Ingon sa sugo sa Ginoo, gihangyo ni Abraham si Isaac sa paghigda ibabaw sa altar. Misalig si Isaac ni Abraham sama lamang nga ang Manluluwas misalig sa Iyang Amahan.
Sa dihang hapit na isakripisyo ni Abraham si Isaac, usa ka anghel sa Ginoo mipugong kaniya. Si Abraham mipakita sa iyang hugot nga pagtuo diha sa Ginoo. Nahibalo si Abraham nga siya sa kanunay mosunod sa Ginoo.
Mihangad si Abraham ug nakita ang usa ka karnero nga laki nga nagapos sa mga kasapinitan. Ang Ginoo mihatag sa karnerong laki alang sa sakripisyo.
Nahibaloan ni Abraham ug Isaac ang mahitungod sa unsa nga paagi ang Langitnong Amahan mohalad sa Iyang Anak nga si Jesukristo isip usa ka sakripisyo. Ang Ginoong Jesukristo misalig ni Abraham tungod kay siya misunod. Misalig si Abraham sa saad sa Ginoo nga usa ka adlaw niana ang iyang pamilya modaghan labaw sa gidaghanon sa mga bitoon sa langit.