Pe o i ai ni tapuiaiga i le auai i le Ekalesia mo tagata o le au paia o e ua faaigoa o faafafine pe ua tosina atu i le itupa e tasi?

“O se tasi o loo gauai atu i paega masani o le ola mama—o se tasi o loo mulimuli i feagaiga ma tulaga faatonuina ma aoaoga o le talalelei a Keriso—e ui atonu o loo latou feagai ma le tosina atu i le itupa e tasi—e leai lava se mafuaaga e le mafai ai ona latou auai atoatoa, o se tagata e auai atoatoa o le Ekalesia ma umia valaauga ma tautala atu ma ulu atu i le malumalu ma auauna atu ai iina, ma o le a avanoa mo i latou isi avanoa ma faamanuiaga uma ia e mafai ona maua mai le avea ai ma tagata o le Ekalesia.

“E i ai faataitaiga o lenei mea i totonu o tagata o le Ekalesia. E anoanoai faataitaiga. Ma e ui e leai se tasi o le a fai mai faapea e faigofie i taimi uma, ae o loo taumafai i tatou uma ia faatumauina na paega masani ma tausisia a tatou feagaiga. Ma o loo tatou i ai uma i le vaa lava e tasi, i le kamupani e tasi, e tusa ai ma lena mea. O lea la ou te fai atu ai e toatele, i se faatusatusa atu i ai, ua maua lena manuia ma lena fiafia i o latou olaga” (D. Todd Christofferson, “Purpose of This Website,” ChurchofJesusChrist.org).