Pe tatau ona ou fautuaina le faufautua faapolofesa i tagata o le au paia ua faafafine ma/po o o latou aiga?

O Vaifofo E Mafai Ona Faamalolosia ai Mamanu Faasoifua Maloloina o le Olaga

O se suiga i le tosinaga e le tatau ona faamoemoeina pe faamalosia foi e fai ma taunuuga e matua, taitai po faufautua faapolofesa. Ae ui o lea, o le sailia o se malamalamaaga mai se faufautua faapolofesa o se faailoga o le malosiaga ma le lotomaualalo. Afai e filifili se tagata e sailia se na fesoasoani, e ao i isi ona faaaloalogia lana aia tatau e fuafua ai taunuuga moomia.

O nisi taimi e mafai ona faigata ona vaai ifo le tagata ia te ia lava ma le le faaituau. O le sailia o se malamalamaaga mai se faufautua faapolofesa e mafai ona fesoasoani i le tele o itu o le olaga—mai le talanoaina o mamanu o le loto popole ma le atuatuvale e faamalolosia ai se faaipoipoga. E pei ona sa matauina e Elder Jeffrey R. Holland, o le fesoasoani faapolofesa e mafai i nisi taimi ona tutusa le taua ma le fesoasoani faaleagaga (tagai i le “E Pesieai o se Ipu Ua Nutililii,” Liahona, Nov. 2013, 40–42).

Pe a oo ina saiia e se tasi se vaifofo, e fautuaina atu e le Ekalesia le faiga e faaaloalogia ai le “loto naunau o le tagata lava ia.” I se isi faaupuga, ua iai i le tagata le aia tatau e fuafua ai taunuuga moomia, ma e ao i le au fai vaifofo ma faufautua ona faaaloalogia ona manao. Mo se tasi ua aafia i le tosina atu i le itupa tutusa pe ua faaigoa foi o se faafafine, e mafai ona fesoasani fautuaga i le tagata e taulimaina lona tulaga feusuai i ni ala e sili ona lelei ma faamalieina. Peitai, e le manaomia e tagata uma ni fautuaga ma ni vaifofo.

E ui o suiga i tulaga o feusuaiga e mafai ona tutupu mo nisi o tagata, ae e le ogatusa ma tulaga faatonuina ona taulai atu togafitiga faapolofesa i luga o se faapea ua tatau ona fai se suiga faalefeusuaiga. E toe fai atu, ua i ai i le tagata le aia tatau e faamanino mai ai le taunuuga moomia.