E mafai faapefea ona ou fesoasoani i tagata o le au paia ua faaigoa o faafafine pe ua aafia foi i le tosina atu i le itupa e tasi ia lagona e alofaina, talia, ma musuia i le lotu?

Faataga mo le Tuputupu A’e ma le Tiutetauave

“E ese le taua o lo tatou malamalama, muamua, o tagata uma o loo i ai i se nofoaga e ese i luga o le ala ma e tatou te atiina a’e se iloa i tagata o loo siomia ai i tatou.

“Ou te iloa ni tagata e omai i le lotu i Aso Sa uma ina ia mafai ona musuia ma faagaeetia, ma e na o le savavali ese atu ma lagona ua faamasinoina ma le lē alofagia ma e le manaomia, e pei e leai se avanoa mo i latou i le lotu. Ua manaomia lo tatou faia o lenei mea i se isi faiga e ese. Ua manaomia le loloto o lo tatou iloa e uiga i le faamoemoega o le sau i le lotu i le Aso Sa, ma ia mautinoa o tagata uma e o mai e lagona e alofaina, e manaomia, e taliaina, ma siitia. E tofu tagata ma mea o latou tauivi tatou te le iloaina. Ma e ese le taua o lo tatou iloa faapea o tagata uma o siomia ai i tatou e alofagia e le Atua, ma e manaomia ona tatou vaai atu ia te i latou e ala i mata faapei o Keriso. Ma e le mafai ona tatou faatagaina le faamasino atu e ta’u maia le ala tatou te fegalegaleai ai ma tagata. E matua le sa’o lava. Ou te lagona ua tuuina i tatou e le Alii i mea ua tatou i ai nei ma faafesootai ai i tatou ma tagata o loo siomia ai i tatou mo se faamoemoega.

“Aua ua le mo na o lo tatou lava alualu i luma ae ia fesoasoani foi i isi ia alualu i luma. Ma ua oo ina ou iloaina ua tuuina i tatou i mea ua tatou i ai ina ia mafai ai ona tatou alolofa ma sii a’e isi.

“E matua le mafai lava ona tatou, e oo lava i le valaauina o i tatou lava, o se soo o Keriso pe afai tatou te le o fesoasoani i isi i luga o le ala. E le ta’ufaatauvaaina e le talalelei a Iesu Keriso ia tagata. O tagata e ta’ufaatauvaaina ia tagata. Ma e tatau ona tatou faaleleia lena mea. E manaomia lo tatou nofouta ma alolofa ia i latou ma tuu atu ia i latou le vanoa e tuputupu a’e ai ma fua mai i o latou lava tagata aupito sili. E i ai a latou taleni ma tomai ma uiga faaletagata lava ia e manaomia i le malo o le Atua. Ma afai o le a tatou fauina le malo o le Atua i le lalolagi, tatou te manaomia tagata uma e o mai e o mai ma fai la latou vaega. Ma e manaomia ona tatou iloa lena mea. Pe a paologia le faitotoa o se falelotu i le ata lafoia o se tagata, e tatau ona latou lagonaina i le taimi lava lena le taliaina ma le alofaina ma le siitiaina ma le musuia o i latou, pe a latou savavali ese atu mai lena faitotoa, e o ma avea ma tagata ua sili atu. Aua ua latou iloaina e alofa le Alii ia te i latou. Ma ona ua maua a latou uo i la latou tapuaiga” (Carol F. McConkie, “Lifting Others,” ChurchofJesusChrist.org).