E i ai sau faatalanoaga ma se tasi o le au paia ua faailoa mai o ia o se faafatama, faafafine, pe tosina i itupa uma e lua pe ua oo foi i le tosina atu i le itupa e tasi. Se a sa’u mea e fai pe tautala atu ai?

Faaali Atu le Onosai ma le Alofa

“Ia, o uluai tali atu lava e taua tele. Ma o le lagona, o le faaosoosoga, e tele ona oo i tagata o le ita po o le teena. O nisi taimi ua na o le faafitia i itu uma e lua o le fesili, po o le a lava. Ma e taua le lava o le loto pulea e faapafala ese ai na mea uma ae ia tau lava ona i ai o sina onosai itiiti ma ia amata ona talanoa ma amata ona faalogo ma amata ona taumafai ia malamalama atili. E leai sa tatou mea o maimau i le faaaluina faatasi o se taimi, e ala i le taumafai ia malamalama. E oo lava foi pe a leai se maliliega i se itu e mulimuli ai i lena taimi po o le ala e tali atu ai pe o a foi taga e fai, tatou te le tau faia mea uma i le aso. Tatou te le tau foiaina mea uma i se masina po o se vaiaso po o se tausaga foi. O nei mea o fesili o faaiuga e alu ai se taimi ma malu mo se taimi umi ma le sailia o le finagalo o le Alii mo se taimi umi ma taiala e Ia mo se taimi umi. O lea la ou te faamoemoe o le a tatou tuuina ia i tatou lava le taimi ma ia maua le onosai e faalogo atu ma malamalama ma ia le faatauanau ia foia mea uma i totonu o se taimi patino e faatulagaina” (D. Todd Christofferson, “Purpose of This Website,” ChurchofJesusChrist.org).

Faamautu le Moni o Lagona

“O le mea e tasi e taua e le aunoa o le aloaia lea o lagona o se tagata, e moni, e ma’oti, ma e tatou te le faafitia le lagona e se tasi i se itu patino. Tatou te taliaina le moni i le mea o i ai, ma tatou amata mai ai iina. Tatou te mananao foi i tagata ia lagonaina o loo i ai so latou aiga iinei, ma e tele, tele naua mea tatou te tutusa ai nai lo se isi lava mea tatou te eseese ai. O nisi o aafiaga e fesootai iina, tatou te talanoaina i le uepisaite lenei. Ou te talitonu foi e taua tele lo tatou lagonaina pea lava pea, e faaali atu faapea, ia aloaia le moni o lagona ma tulaga o i ai tagata ma tatou amata atu ai iina” (D. Todd Christofferson, “Purpose of This Website,” ChurchofJesusChrist.org).