Aisea e le tatau ai i taitai ona fautuaina atu faaipoipoga taatele a itupa faafeagai mo i latou ua aafia i le tosina atu i le itupa e tasi pe ua faaigoaina o faafafine/faafatama?

O Le Faaipoipoga E Le O Se Vaifofo

“Tatou te le fautuaina tagata faapea o le faaipoipoga taatele o se togafitiga lea e foia ai. O le a e vaaia i nisi o nei aafiaga ia e fesootai i ai i le saite lenei, sa o se aafiaga faamanuiaina i ni nai tulaga, pe sa faaalia foi e nisi le tulaga manuia sa latou maua i le faaipoipoga ma i le tausia o se aiga ma le olioli ma mea uma sa faataunuuina ma faamanuiaina ai o latou olaga ua avea o se taunuuga. Ae o le mea ua tatou iloaina, e le o taimi uma e moni ai. Ma e le manuia i taimi uma. O nisi taimi e matautia. Tatou te mafaufau o se mea e mafai e tagata taitasi ona iloiloina, ma e mafai ona latou talanoaina uma ma taitai perisitua ma aiga ma isi ma faia ni faaiuga. Ae tatou te le tutu i se tulaga laugatasia e faapea mai ai, ‘Ioe, o taimi uma,’ po o le ‘Leai, o taimi uma’” (D. Todd Christofferson, “Purpose of This Website,” ChurchofJesusChrist.org).