« គោលបំណងនៃ ការបង្រៀនតាមរបៀបរបស់ព្រះអង្គសង្គ្រោះ » ការបង្រៀនតាមរបៀបរបស់ព្រះអង្គសង្គ្រោះ ៖ សម្រាប់អ្នកទាំងអស់ដែលបង្រៀននៅក្នុងគេហដ្ឋាន និងសាសនាចក្រ ( ឆ្នាំ ២០២២ )
« គោលបំណងនៃ ការបង្រៀនតាមរបៀបរបស់ព្រះអង្គសង្គ្រោះ » ការបង្រៀនតាមរបៀបរបស់ព្រះអង្គសង្គ្រោះ
គោលបំណងនៃ ការបង្រៀនតាមរបៀបរបស់ព្រះអង្គសង្គ្រោះ
គោលការណ៍នានាដែលបានពិពណ៌នានៅក្នុងធនធាននេះ អាចជួយគ្រូបង្រៀនដំណឹងល្អគ្រប់រូបឲ្យបង្រៀនតាមរបៀបរបស់ព្រះអង្គសង្គ្រោះ ។ រួមទាំងមាតាបិតា បងប្អូនប្រុសស្រីដែលផ្ដល់ការងារបម្រើ ពួកអ្នកផ្សព្វផ្សាយសាសនា គ្រូបង្រៀនថ្នាក់សិក្ខាសាលា និងថ្នាក់វិទ្យាស្ថាន និងបុគ្គលគ្រប់រូបដែលមានការហៅម្រើក្នុងសាសនាចក្រ ដែលផ្តល់ឱកាសឲ្យពួកគេបង្រៀន ។
អ្នកអាចសិក្សាធនធាននេះដោយខ្លួនឯង ឬប្រើប្រាស់វាជាមគ្គទេសក៍ក្នុងការពិភាក្សាជាមួយអ្នកដទៃ អំពីរបៀបដើម្បីប្រែក្លាយជាគ្រូបង្រៀនមួយរូបកាន់តែប្រសើរឡើង ។ ឧទាហរណ៍ ធនធាននេះអាចត្រូវបានប្រើប្រាស់នៅក្នុងរាត្រីជួបជុំក្រុមគ្រួសារ ការប្រជុំគណៈប្រធាន ការប្រជុំក្រុមប្រឹក្សាវួដ ឬស្តេក ការប្រជុំបុគ្គលិកថ្នាក់សិក្ខាសាលា និងថ្នាក់វិទ្យាស្ថាន និងការប្រជុំក្រុមប្រឹក្សាគ្រូបង្រៀន ( សូមមើល « សម្រាប់អ្នកដឹកនាំ—ការជួយគ្រូបង្រៀនឲ្យទទួលជោគជ័យ » ) ។
របៀបដែលធនធាននេះត្រូវបានរៀបចំឡើង
ផ្នែកទី ១ សង្កត់ធ្ងន់លើសារៈសំខាន់នៃការផ្តោតទៅលើព្រះយេស៊ូវគ្រីស្ទ នៅពេលណាដែលយើងបង្រៀនគោលការណ៍នៃដំណឹងល្អរបស់ទ្រង់ ។ វគ្គនេះពិពណ៌នាអំពី អ្វី ដែលយើងបង្រៀន ។
ផ្នែកទី ២ សង្កត់ធ្ងន់អំពីគោលការណ៍ទាំងឡាយនៃការបង្រៀនដូចជាព្រះគ្រីស្ទ ។ វគ្គនេះពិពណ៌នាអំពី របៀប ដែលយើងបង្រៀន ។
ផ្នែកទី ៣ ផ្តល់យោបល់អនុវត្តជាក់ស្តែងដើម្បីជួយគ្រូបង្រៀនឲ្យ អនុវត្ត គោលការណ៍ទាំងឡាយនៃការបង្រៀនដូចជាព្រះគ្រីស្ទ ។
ទិដ្ឋភាពទូទៅនៃការបង្រៀនដូចជាព្រះគ្រីស្ទ
តារាងខាងក្រោមនេះផ្តល់នូវទិដ្ឋភាពទូទៅមួយអំពីគោលការណ៍ទាំងឡាយដែលបានបង្រៀននៅក្នុងធនធាននេះ ។