ថ្នាក់សិក្ខាសាលា និងថ្នាក់វិទ្យាស្ថាន

ទិដ្ឋភាពទូទៅនៃការបង្រៀនដូចជាព្រះគ្រីស្ទ

« ទិដ្ឋភាពទូទៅនៃការបង្រៀនដូចជាព្រះគ្រីស្ទ » ការបង្រៀនតាមរបៀបរបស់ព្រះអង្គសង្គ្រោះ ( ២០២២ )

ទិដ្ឋភាពទូទៅនៃការបង្រៀនដូចជាព្រះគ្រីស្ទ

តារាងខាងក្រោមនេះផ្តល់នូវទិដ្ឋភាពទូទៅមួយអំពីគោលការណ៍ទាំងឡាយដែលបានបង្រៀននៅក្នុងធនធាននេះ ។

ផ្តោតលើព្រះយេស៊ូវគ្រីស្ទ

បង្រៀនអំពីព្រះយេស៊ូវគ្រីស្ទ មិនថាអ្នកកំពុងបង្រៀនអ្វីនោះទេ

សង្កត់ធ្ងន់ទៅលើគំរូរបស់ព្រះយេស៊ូវគ្រីស្ទ ។
បង្រៀនអំពីព្រះបរមងារ តួនាទី និងគុណលក្ខណៈរបស់ព្រះយេស៊ូវគ្រីស្ទ ។
ស្វែងរកនិមិត្តសញ្ញានានាដែលធ្វើទីបន្ទាល់អំពីព្រះយេស៊ូវគ្រីស្ទ ។

ជួយសិស្សឲ្យមកកាន់ព្រះយេស៊ូវគ្រីស្ទ

ជួយសិស្សឲ្យស្គាល់សេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ព្រះអម្ចាស់នៅក្នុងជីវិតពួកគេ ។
ជួយសិស្សឲ្យពង្រឹងទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ ។
ជួយសិស្សឲ្យមានចេតនាព្យាយាមប្រែក្លាយឲ្យកាន់តែដូចព្រះយេស៊ូវគ្រីស្ទ ។

គោលការណ៍ទាំងឡាយនៃការបង្រៀនដូចជាព្រះគ្រីស្ទ

ស្រឡាញ់អស់អ្នកដែលអ្នកបង្រៀន

សូមមើលសិស្សតាមរបៀបដែលព្រះទតទៅលើពួកគេ ។
ព្យាយាមស្គាល់ពួកគេ—យល់អំពីកាលៈទេសៈ តម្រូវការ និងកម្លាំងរបស់ពួកគេ
អធិស្ឋានសម្រាប់ពួកគេដោយប្រើឈ្មោះរបស់ពួកគេ ។
បង្កើតបរិយាកាសសុវត្ថិភាពមួយ ជាកន្លែងដែលមនុស្សទាំងអស់ត្រូវបានគេគោរព ហើយដឹងថា ការរួមចំណែករបស់ពួកគេត្រូវបានឲ្យតម្លៃ ។
ស្វែងរករបៀបសមរម្យនានាដើម្បីបង្ហាញសេចក្តីស្រឡាញ់របស់អ្នក ។

បង្រៀនដោយព្រះវិញ្ញាណ

រៀបចំខ្លួនអ្នកខាងវិញ្ញាណ ។
ត្រៀមខ្លួនឲ្យរួចស្រេចជានិច្ច ក្នុងការឆ្លើយតបទៅនឹងការបំផុសគំនិតខាងវិញ្ញាណអំពីសេចក្តីត្រូវការរបស់សិស្ស ។
បង្កើតបរិយាកាស និងឱកាសសម្រាប់សិស្សដើម្បីឲ្យព្រះវិញ្ញាណបរិសុទ្ធបង្រៀនពួកគេ ។
ជួយសិស្សឲ្យស្វែងរក ទទួលស្គាល់ និងធ្វើសកម្មភាពស្របតាមវិវរណៈផ្ទាល់ខ្លួន ។
ថ្លែងទីបន្ទាល់ជារឿយៗ ហើយអញ្ជើញសិស្សឲ្យចែកចាយអារម្មណ៍ បទពិសោធន៍ និងទីបន្ទាល់របស់ពួកគេ ។

បង្រៀនគោលលទ្ធិ

រៀនគោលលទ្ធិរបស់ព្រះយេស៊ូវគ្រីស្ទសម្រាប់ខ្លួនឯង ។
បង្រៀនចេញមកពីព្រះគម្ពីរ និងប្រសាសន៍នៃព្យាការីថ្ងៃចុងក្រោយ ។
ជួយសិស្សឲ្យស្វែងរក ទទួលស្គាល់ និងយល់សេចក្តីពិតនៅក្នុងព្រះគម្ពីរ ។
ផ្តោតលើសេចក្តីពិតដែលដឹកនាំទៅរកការប្រែចិត្តជឿ និងស្ថាបនាសេចក្តីជំនឿលើព្រះយេស៊ូវគ្រីស្ទ ។
ជួយសិស្សឲ្យរកឃើញទំនាក់ទំនងផ្ទាល់ខ្លួនរបស់ពួកគេនៅក្នុងគោលលទ្ធិរបស់ព្រះគ្រីស្ទ ។

អញ្ជើញឲ្យរៀនសូត្រដោយឧស្សាហ៍

ជួយសិស្សឲ្យទទួលខុសត្រូវលើការរៀនសូត្ររបស់ពួកគេ ។
លើកទឹកចិត្តសិស្សឲ្យស្គាល់ព្រះអង្គសង្គ្រោះតាមរយៈការសិក្សាដំណឹងល្អប្រចាំថ្ងៃ ។
អញ្ជើញសិស្សឲ្យរៀបចំខ្លួនដើម្បីរៀនសូត្រ ។
លើកទឹកចិត្តសិស្សឲ្យចែកចាយសេចក្តីពិតដែលពួកគេកំពុងរៀន ។
អញ្ជើញសិស្សឲ្យរស់នៅតាមអ្វីដែលពួកគេកំពុងរៀន ។

រូបភាព

តារាងនៃទិដ្ឋភាពទូទៅនៃការបង្រៀនដូចជាព្រះគ្រីស្ទ