“Isishwankathelo sokuFundisa njengoKrestu,” Ukufundisa ngeNdlela yoMsindisi (2022)
Isishwankathelo seMfundiso enjengoKrestu
Ezi tshati zilandelayo zibonelela ngesishwankathelo semigaqo efundiswa kwesi sixhobo.
Gqalisela kuYesu Krestu
Fundisa ngoYesu Krestu Nokuba Ufundisa Ntoni Na
-
Gxininisa uMzekelo kaYesu Krestu.
-
Fundisa ngezibizo, iindima, neempawu zikaYesu Krestu.
-
Khangela imiqondiso engqina ngoYesu Krestu.
Nceda Abafundi Beze kuYesu Krestu
-
Nceda abafundi baqonde uthando lweNkosi, amandla, nenceba ebomini babo.
-
Nceda abafundi bomeleze ubudlelwane babo noBawo waseZulwini noYesu Krestu.
-
Nceda abafundi ngenjongo bazabalazele ukufana ngakumbi noYesu Krestu.
Imigaqo yokufundisa njengoKrestu
Bathande Abo ubaFundisayo
-
Babone abafundi ngendlela uThixo ababona ngayo.
-
Funa ukubazi boma—ziqonde iimeko zabo, iimfuno, namandla abo.
-
Bathandazele ngamagama.
-
Dala isimo sokhuseleko apho bonke bahloniphekileyo khona kwaye baziyo ukuba igalelo labo lixabisekile.
-
Fumana iindlela ezifanelekileyo zokubonisa uthando lwakho.
Fundisa ngoMoya
-
Zilungiselele ngokomoya.
-
Lonke ixesha kulungele ukuphendula kwiintshukumo zomoya ngeemfuno zabafundi.
-
Dala iindawo kunye namathuba okuba abafundi bafundiswe nguMoya oyiNgcwele.
-
Nceda abafundi bafune, baqonde, kwaye benze intshukumo kwisityhilelo sobuqu.
-
Nika ubungqina rhoqo, kwaye umeme abafundi ukuba babelane ngeemvakalelo zabo, amava, kunye nobungqina.
Fundisa iMfundiso
-
Zifundele imfundiso kaYesu Krestu ngokwakho.
-
Fundisa okuvela kwizibhalo namazwi wabaprofeti bemihla yokugqibela.
-
Nceda abafundi bafune, banakane, kwaye baqonde iinyaniso kwizibhalo.
-
Gqalisela kwiinyaniso ezikhokelela kwinguquko kwaye zakhe ukholo kuYesu Krestu.
-
Nceda abafundi bafumane okuphathelele kubuqu kwimfundiso kaYesu Krestu.
Mema ukuFunda Okukhutheleyo
-
Nceda abafundi bathathe uxanduva lokufunda kwabo.
-
Khuthaza abafundi ukuba baze bafikelele ekumazini uMsindisi ngokufunda ivangeli yonke imihla.
-
Mema abafundi ukuba balungiselele ukufunda.
-
Khuthaza abafundi ukuba babelane ngeenyaniso abazifundayo.
-
Mema abafundi ukuba baphile oko bakufundayo.