ඉරිදා පාසල් පන්තිය

නායකයින් සඳහා—ගුරුවරුන්ට සාර්ථක වීමට උපකාර කිරීම

එකිනෙකා සමඟ ඇති සම්බන්ධතා

බොහෝ විට ගුරුවරුන්ගේ අනන්‍ය අවශ්‍යතා සපුරාලීමේ හොඳම ක්‍රමය වන්නේ ඔවුන් සමඟ තනි තනිව සම්බන්ධ වීමයි. නිදසුනක් වශයෙන්, නායකයෙකු ලෙස, ගැලවුම්කරුවාණන්ගේ ආකාරයට ඉගැන්වීමේ මූලධර්ම සාකච්ඡා කිරීමට පන්තියට පෙර හෝ පසුව ඔබට ගුරුවරයෙකු සමඟ කෙටි සාකච්ඡාවක් පැවැත්විය හැකිය. ගුරුවරයා උගන්වන ආකාරය නැරඹීමෙන් ඔබට මෙම සාකච්ඡාවට සූදානම් විය හැකිය. ගුරුවරයාගේ ශක්තීන් හොඳින් අවබෝධ කරගැනීමට සහ ඔබට සහාය ලබාදිය හැකි ක්‍රම සොයාගැනීමට උත්සාහ කරන්න.

ගුරුවරයෙකුගේ ශක්තීන් මත ගොඩනැගීම; වැඩිදියුණු වීම සඳහා අවස්ථා හඳුනාගැනීම තරම්ම වැදගත් වේ. ඔවුන් සඳහා හොඳින් සිදුවන්නේ කුමක්ද සහ වර්ධනය කරගත හැකි යැයි ඔවුන්ට හැඟෙන ස්ථාන ගැන සලකා බලන ලෙස ගුරුවරුන්ගෙන් ඉල්ලා සිටීමෙන් ඔවුන් සමඟ සාකච්ඡා ආරම්භ කිරීම ප්‍රයෝජනවත් වේ.

ඔබ ගුරුවරුන් සමඟ මුණගැසෙන විට, ඔවුන්ව ශක්තිමත් කිරීමට සහ ඔවුන් කරන සේවය සඳහා කරුණාවෙන් හා කෘතඥතාවයෙන් ඔවුන්ව දිරිමත් කිරීමට හැකි මාර්ග පිළිබඳ සලකා බලන්න.

ගුරු සභා රැස්වීම්

සෑම කොට්ඨාශයකම ත්‍රෛමාසික ගුරු සභා රැස්වීම් පැවැත්විය යුතු අතර, එහිදී ගුරුවරුන්ට ක්‍රිස්තුස්වහන්සේගේ ආකාරයට ඉගැන්වීමේ මූලධර්ම පිළිබඳව එකට එකතු වී සාකච්ඡා කළ හැකිය. දෙමාපියන් සඳහාද ගුරු සභා රැස්වීම් පැවැත්විය හැකිය (බලන්න ප්‍රධාන අත්පොත: යේසුස් ක්‍රිස්තුස්වහන්සේගේ පසුදවස්වල ශුද්ධවන්තයන්ගෙන් යුත් සභාවේ සේවය කිරීම, 13.5, ChurchofJesusChrist.org).

මෙම රැස්වීම් පැවැත්විය යුත්තේ කවදාද?

ඉරිදා දින විනාඩි 50 පන්ති කාලය තුළ ගුරු සභා රැස්වීම් පැවැත්වේ.

• ප්‍රාදේශීය නායකයින් විසින් තීරණය කරනු ලබන පරිදි, පූජකත්වය, සහන සමිතිය, සහ තරුණ ගැහැණු ළමුන්ගේ ගුරුවරුන්ට පළමු හෝ තුන්වන ඉරිදා සහභාගි විය හැකිය.

• ප්‍රාදේශීය නායකයින් විසින් තීරණය කරනු ලබන පරිදි ඉරිදා පාසල් ගුරුවරුන්ට දෙවන හෝ හතරවන ඉරිදා සහභාගි විය හැකිය.

• කොට්ඨාශයේ ප්‍රාථමික සහ ඉරිදා පාසල් සභාපතිත්වයන් විසින් තීරණය කරනු ලබන පරිදි, ප්‍රාථමික ගුරුවරුන්ට ඕනෑම ඉරිදා දිනක සහභාගී විය හැකිය. අවශ්‍ය නම්, ප්‍රාථමික ගුරුවරුන්ට වෙනත් ගුරුවරුන්ගෙන් වෙන්ව මුණගැසී දරුවන්ට ඉගැන්වීමේ සුවිශේෂී අංගයන් පිළිබඳව සාකච්ඡා කළ හැකිය. මෙය විනාඩි 20ක ගායන කාලය තුළ, සාමාන්‍ය ඉරිදා රැස්වීම් වලට පෙර හෝ පසුව හෝ සතියේ වෙනත් දිනයක සිදුකළ හැකිය. ප්‍රාථමික ගුරුවරුන් සඳහා කාර්තුමය වශයෙන් ගුරු සභා රැස්වීම් එකකට වඩා පැවැත්විය හැකි අතර එමඟින් ඔවුන් සියලුදෙනාටම එකම සතියක් තුළ ප්‍රාථමික පන්ති මගහැරෙන්නේ නැත. (සටහන: අවශ්‍ය පරිදි, ප්‍රාථමික ගුරුවරුන්ට ගුරු සභා රැස්වීම් වලට සහභාගි වීමට අවසර දීම සඳහා, ප්‍රාථමිකයේ සභාපතිත්වය විසින් ආදේශක ගුරුවරුන් පත්කිරීම, පන්ති ඒකාබද්ධ කිරීම, හෝ වෙනත් කටයුතු සැලසුම් කරයි.)

• කොට්ඨාශ සභා රැස්වීම මගින් තීරණය කරනු ලබන පරිදි දෙමාපියන් සඳහා ගුරු සභා රැස්වීම් ඕනෑම ඉරිදා දිනයක පැවැත්විය හැකිය.

සහභාගි විය යුත්තේ කවුද?

කොට්ඨාශයේ ගණපූරණයක හෝ පන්තියක උගන්වන සෑම කෙනෙකුම, එම ගණපූරණය හෝ පන්ති සම්බන්ධයෙන් වගකීමක් ඇති පූජකවරුන් හෝ සංවිධාන නායකයන්ගෙන් අවම වශයෙන් එක් අයෙකු හෝ සමඟ සහභාගි විය යුතුය. අවශ්‍ය නම්, සහභාගිවන්නන්ව ඔවුන් උගන්වන අයගේ අවශ්‍යතා අනුව කණ්ඩායම් වලට බෙදිය හැකිය. නිදසුනක් වශයෙන්, යෞවනයන්ට හෝ ළමුන්ට ඉගැන්වීමට විශේෂිත වූ ගැටළු සාකච්ඡා කිරීම සඳහා වෙන් වෙන් වශයෙන් රැස්වීම් පැවැත්වීමෙන්, යෞවනයන්ගේ හෝ ළමුන්ගේ ගුරුවරුන්ට ප්‍රයෝජන ගත හැකිය.

දෙමාපියන් සඳහා ගුරු සභා රැස්වීම් සඳහා, කොට්ඨාශ සභාව නිශ්චිත දෙමාපියන්ට ආරාධනා කරන්නේද නැතහොත් සහභාගී වීමට කැමති සියල්ලන්ටම පැමිණීම විවෘත කළ යුතුද යන්න තීරණය කරයි.

මෙම රැස්වීම් මෙහෙයවන්නේ කවුද?

ඉරිදා පාසල් සභාපතිවරයාගේ සහාය ඇතිව කොට්ඨාශ සභාව විසින්, මෙම ගුරු සභා රැස්වීම් අධීක්ෂණය කරයි. ඔවුන් පන්ති සහ රැස්වීම් වලදී නිරීක්ෂණය කළ දේ මත පදනම්ව ගුරුවරුන්ගේ සහ ඉගෙනගන්නන්ගේ අවශ්‍යතා පිළිබඳව ඔවුන් එකට එක්ව සාකච්ඡා කරයි. ගැලවුම්කරුවාණන්ගේ ආකාරයට ඉගැන්වීම තුළ කුමන මූලධර්ම සහ භාවිතයන් ඔවුන් හඳුනාගෙන ඇති අවශ්‍යතා වඩාත් හොඳින් සපුරාලන්නේද යන්න තීරණය කිරීමට ඔවුන් එක්ව ක්‍රියා කරයි.

සාමාන්‍යයෙන් ගුරු සභා රැස්වීම් මෙහෙයවන්නේ ඉරිදා පාසල් සභාපතිත්වයේ සාමාජිකයෙකි. කෙසේවෙතත්, යම් අවස්ථාවන්හිදී රැස්වීම් මෙහෙයවීමට වෙනත් කොට්ඨාශ සාමාජිකයින්වද පැවරිය හැකිය. ගණපූරණ සහ සංවිධාන සභාපතිවරුන් රැස්වීමේදී සාකච්ඡා කරන ලද මූලධර්ම සහ භාවිතයන් ඔවුන්ගේ ගුරුවරුන් සමඟ සාකච්ඡා කර බලගන්වා ගනිති.

ගුරු සභා රැස්වීමකදී සිදුවිය යුත්තේ කුමක්ද?

ගුරු සභා රැස්වීම මෙම ආකෘතිය අනුගමනය කළ යුතුය:

• බෙදාගන්න සහ එකට එක්ව සාකච්ඡා කරන්න. මෑතකාලීන ඉගැන්වීම් අත්දැකීම් බෙදාගැනීමට, ඉගැන්වීමට අදාළ ප්‍රශ්න ඇසීමට, සහ අභියෝග ජයගැනීම සඳහා අදහස් බෙදාගැනීමට ගුරුවරුන්ට ආරාධනා කරන්න. රැස්වීමේ මෙම කොටසට, පෙර රැස්වීම් වල සාකච්ඡා කළ මූලධර්ම සමාලෝචනය කිරීම ඇතුළත් විය හැකිය.

• එකට එක්ව ඉගෙනගන්න. මෙම පොතේ ඉදිරිපත් කර ඇති පහත සඳහන් මූලධර්ම වලින් එකක් සාකච්ඡා කිරීමට ගුරුවරුන්ට ආරාධනා කරන්න: යේසුස් ක්‍රිස්තුස්වහන්සේ කෙරෙහි අවධානය යොමුකරන්න, ඔබ උගන්වන අයට ආදරය කරන්න, ආත්මයාණන්ගෙන් උගන්වන්න, දහම උගන්වන්න, සහ උනන්දුවෙන් ඉගෙනීමට ආරාධනා කරන්න. මෙම මූලධර්ම ඕනෑම අනුපිළිවෙලකට ආමන්ත්‍රණය කළ හැකි අතර, කොට්ඨාශ සභාව විසින් වෙනත් ආකාරයකින් මෙහෙයවන්නේ නම් මිස, රැස්වීමට සහභාගිවන්නන්ට සාකච්ඡා කළ යුතු ඊළඟ මූලධර්මය තෝරාගත හැකිය. අවශ්‍ය නම්, ඔබට එක් මූලධර්මයක් මත සාකච්ඡා කිරීමට එක් රැස්වීමකට වඩා වැඩි ප්‍රමාණයක් යොදාගත හැකිය.

• සැලසුම් කර ආරාධනා කරන්න. ඔවුන් සාකච්ඡා කළ මූලධර්මය අදාළ කරගන්නා ආකාරය සැලසුම් කිරීමට ගුරුවරුන්ට උදවු කරන්න. සුදුසු පරිදි, ඔබ සාකච්ඡා කර ඇති කුසලතාවයක් එකට එක්වී පුහුණු විය හැකිය. ඔවුන්ගේ නිවෙස් වල ඉගැන්වීමට දරන ප්‍රයත්නයන් ඇතුළුව—ඔවුන්ගේ ඉගැන්වීමේදී මෙම මූලධර්ම අදාළ කරගන්නා ආකාරය පිළිබඳව ඔවුන්ට ලැබෙන ඕනෑම හැඟීමක් වාර්තා කර ඒ අනුව ක්‍රියා කිරීමට ඔවුන්ට ආරාධනා කරන්න. සාකච්ඡා කිරීමට නියමිත ඊළඟ මූලධර්මය අධ්‍යයනය කිරීම ආරම්භ කිරීමට ඔවුන්ව දිරිමත් කරන්න.

හැකිතාක් දුරට, ගුරු සභා රැස්වීම් විසින් එම සාකච්ඡා කෙරෙන මූලධර්ම ආදර්ශයෙන් යුතුව විදහා දැක්විය යුතුය.

තරුණ ගැහැණු ළමුන් දෙදෙනෙක් වැළඳගනිමින්

ගුරු මණ්ඩල රැස්වීම් මගින් ගුරුවරුන්ට ක්‍රිස්තුස්වහන්සේගේ වැනි ඉගැන්වීමේ මූලධර්ම වඩා හොඳින් අවබෝධ කරගැනීමට සහ අදාළ කරගැනීමට උපකාර කළ හැකිය.

කැඳවීම් ලැබූ නව ගුරුවරුන් පුහුණු කිරීම

නායකයෙකු ලෙස, ඔබේ සංවිධානයේ “අලුතින් කැඳවූ ගුරුවරුන් හමුවීමට” සහ “ඔවුන්ගේ කැඳවීම් සඳහා සූදානම් වීමට ඔවුන්ට උදවු කිරීමට” ඔබට වගකීමක් ඇත (ප්‍රධාන අත්පොත, 17.3, ChurchofJesusChrist.org). මෙම රැස්වීම් නව ගුරුවරුන්ව ඔවුන්ගේ පූජනීය කැඳවීම් වලට හඳුන්වා දීමට සහ ගැලවුම්කරුවාණන්ගේ ආකාරයට ඉගැන්වීම යන්නෙන් අදහස් කරන්නේ කුමක්ද යන්න පිළිබඳ දර්ශනයකින් ඔවුන්ට අනුභාවයක් ලබාදීමට අවස්ථාවක් වේ. නායකයෙකු ලෙස, ඔබට පහත සඳහන් දෑ කිරීමෙන් සේවය කිරීමට සූදානම් වීමට නව ගුරුවරුන්ට උපකාර කළ හැකිය:

• ඔවුන්ගේ කැඳවීමේදී ගැලවුම්කරුවාණන් ඔවුන්ට උපකාර කරන බවට ඔබේ ආත්ම-විශ්වාසය පළ කරන්න (බලන්න දහම සහ ගිවිසුම් 88:78).

• නව ගුරුවරුන්ට මෙම පොතේ පිටපතක් ලබාදී, මෙහි මූලධර්ම ඔවුන්ගේ ඉගැන්වීමේදී අදාළ කරගැනීමට ක්‍රම සෙවීමට ඔවුන්ව දිරිමත් කරන්න.

• නව ගුරුවරුන්ට දැනගැනීමට ප්‍රයෝජනවත් වන ඔබේ සංවිධානය පිළිබඳ ඕනෑම දෙයක් ඔවුන් සමඟ බෙදාගන්න.

• අවශ්‍ය පරිදි, නව ගුරුවරුන්ට ඉගැන්විය යුත්තේ කුමන කාමරයේද සහ කුමන පාඩමෙන් ආරම්භ කළ යුතුද යන්න පවසන්න. ඔවුන්ගේ පන්තිය සහ පන්තියේ සාමාජිකයන් ගැන ඔවුන්ට අවශ්‍ය ඕනෑම තොරතුරක් සපයන්න.

• නව ගුරුවරුන්ට ඔවුන්ගේ කැඳවීම සඳහා ඔබට උපකාර කළ හැකි බව පැහැදිලි කරන්න. අවශ්‍ය නම් පන්ති කාමරයේදී සහය ලබාදෙන්න එමෙන්ම ඉගැන්වීමේ සම්පත් වෙත ප්‍රවේශය ලබාදෙන්න.

• ගුරුවරුන්ගේ පන්ති ඉඳහිට නිරීක්ෂණය කිරීමට ඉදිරිපත් වන්න, සහ ආත්මයාණන්ගෙන් පෙළඹවීම් ලැබෙන පරිදි ප්‍රතිපෝෂණ ලබාදෙන්න.

• කාර්තුමය ගුරු සභා රැස්වීම් වලට සහභාගී වීමට ගුරුවරුන්ට ආරාධනා කරන්න.