Fakamatala Hisitōlia Nounou

‘Oku ‘ikai ko ha hisitōlia ‘a e tohí ni; ka, ko hano fakatahataha‘i ia ‘o e ngaahi tefito‘i mo‘oni ‘o e ongoongoleleí ne ako‘i mai ‘e Palesiteni Uilifooti Utalafí. ‘Oku ‘oatu ‘e he ngaahi fakahokohoko ko ‘ení ha hisitōlia nounou ki he ngaahi akonaki ko ‘ení. ‘Oku ‘ikai kau ai ha ngaahi me‘a mahu‘inga ne hoko ‘i he hisitōlia ‘o e ngaahi me‘a fakatu‘asinó. ‘Oku ‘ikai foki fakakau ai ha ngaahi me‘a mahu‘inga lahi ‘i he mo‘ui fakafo‘ituitui ‘a Palesiteni Utalafí, ‘o hangē ko e mali, ngaahi ‘aho fā‘ele‘i mo e pekia ‘o ‘ene fānaú

1807, 1 Mā‘asi	Fā‘ele‘i ‘i Fāmingitoni, Vahefonua Haatifōtí ‘i Konetikati, kia Piula Tomusoni Utalafi mo ‘Āfeki Utalafi.
1808, 11 Sune	Pekia ‘ene fine‘eikí ‘i hono ta‘u 26.
1810, 9 Nōvema	Toe mali ‘ene tangata‘eikí mo ‘Āsupa Haati.
1821	Kamata ngāue ko e tokotaha fahi papa.
1832	Hiki mo hono ta‘okete ko ‘Asimoní pea mo e uaifi ‘o ‘Asimoní ki Lisileni, ‘i he Potufonua ‘Osiuekó, ‘i Niu ‘Ioke,‘a ia na‘á na fakatau ai ha faama.
1833, 29 Tīsema	‘Uluaki fanongo ai ki he ongoongolelei kuo toe fakafoki maí ‘i ha fakataha ne fai ‘e ha ongo faifekau ‘o e Siasí, ko ‘Eletā Seila Pelisifea mo ‘Eletā ‘Ilaisiā Seni.
1833, 31 Tīsema	Papitaiso mo hilifakinima ‘e Seila Pelisifea.
1834, 2 Sānuali	Fakanofo ko e akonaki ‘e Seila Pelisifea.
1834, ‘Epeleli	‘Alu ki Ketilani ‘i ‘ōhaiō, ‘o fe‘iloaki ai mo e Palōfita ko Siosefa Sāmitá.
1834, Mē mo Sune	Fononga fakataha mo e ‘Apitanga ko Saioné ki he siteiti ko Mīsulí. Nofo ‘i he Vahefonua Kēleí ‘i Mīsuli ke tokoni ki he Kāingalotu aí.
1834, 5 Nōvema	Fakanofo ko e taula‘eiki ‘e Simione Kata ‘i he Vahefonua Kēleí ‘i Misuli.
1835, 13 Sānuali	Mavahe mei Mīsuli ke ‘uluaki ngāue fakafaifekau taimi kakato, ‘o malanga‘i ‘a e ongoongoleleí ‘i ‘Ākenisā mo Tenesī.
1835, 28 Sune	Fakanofo ko e kaumātu‘a ‘e Uōleni Peulisi, ofi ki Memifisi ‘i Tenesií.
1836, 19 ‘Epeleli	Ui ki he Kōlomu Hono Ua ‘o e Kau Fitungofulú.
1836, 31 Mē	Fakanofo ko e Fitungofulu ‘e Tēvita Pāteni
1837, 3 Sānuali	Ui ki he Kōlomu ‘Uluaki ‘o e Kau Fitungofulú.
1837, 31 Mē	Mavahe mei Ketilani ‘i ‘ōhaiō ke ngāue fakafaifekau ‘i he ‘Otu Motu Fōkesí, he matāfanga ‘o e siteiti ko Meiní.
1838, 8 Siulai	Ui ki he Kōlomu ‘o e Kau ‘Aposetolo ‘e Toko Hongofulu Mā Uá ‘i he fakahā ki he Palōfita ko Siosefa Sāmitá (vakai, T&F 118).
1839, 26 ‘Epeleli	Fakanofo ko e ‘Aposetolo ‘e Pilikihami ‘Iongi ‘i he tu‘u‘anga ‘o e temipale ‘i Hihifo Mama‘o ‘i Mīsulí.
1839, 8 ‘Aokosi	Mavahe ke ngāue fakafaifekau ‘i ‘Ingilani.
1840 ki he 1841	Hoko ko e faifekau ‘i ‘Ingilani. Tokoni ‘i hono taki mai ha kakai ‘e toko 2,000 nai ke papitaiso mo hilifakinima. Tokoni ke ma‘u e mafai totonu ki hono pulusi ‘o e Tohi ‘a Molomoná ‘i Lonitoni.
1841, 6 ‘Okatopa	Foki ki hono fāmilí mo e toenga ‘o e Kāingalotú ‘i Nāvū.
1841, 21 Nōvema	Sio tonu ‘i he ‘uluaki papitaiso ma‘á e kau pekiá ne fakahoko ‘i he fai‘anga papitaiso he Temipale Nāvuú.
1843, Siulai ki Nōvema	Ngāue fakafaifekau ‘i he fakahahake ‘o e ‘Iunaiteti Siteití, ‘o kumi ha pa‘anga ki hono langa ‘o e Temipale Nāvuú.
1844, Mē ki ‘Aokosi	Fakahoko ha ngāue fakafaifekau ‘e taha ki he fakahahake ‘o e ‘Iunaiteti Siteití.
1844, 9 Siulai	Toki ‘ilo hono fakapoongi ‘o Siosefa mo Hailame Sāmitá, ‘a ia na‘e hoko ‘i he ‘aho 27 ‘o Suné.
1844, 6 ‘Aokosi	Foki ki Nāvū mo hono toenga ‘o e kau mēmipa ‘o e Kōlomu ‘o e Toko Hongofulu Mā Uá.
1844, ‘Aokosi 8	Kau ‘i ha konifelenisi ke hikinima‘i ai ‘e he Kāingalotu ‘o e Siasí ‘a Palesiteni Pilikihami ‘Iongi mo e Kōlomu ‘o e Kau ‘Aposetolo ‘e Toko Hongofulu Mā Uá, ke hoko ko e kau taki ‘o e Siasí.
1844, 12 ‘Aokosi	Tali ha ui ke ne tokanga‘i ‘a e Misiona ‘Iulopé.
1846, ‘Epeleli ki Mē	Foki ki Nāvū pea kau fakataha atu ki mui ange mo e Kāingalotú ‘i he fononga fakahihifó.
1847, 7 ‘Epeleli	Mavahe mei he Nofo‘anga ‘o e Fa‘ahita‘u Momokó mo e ‘uluaki kaungā fononga paionia ne fakataumu‘a ki he Tele‘a Sōlekí.
1847, 24 Siulai	Tū‘uta ki he Tele‘a Lahi ‘o Sōlekí.
1847 ki he 1850	Fakahoko ha ngaahi ngāue lahi ki hono tokoni‘i ‘o e Kāingalotú ke nau hiki ki Sōleki Siti mei he Nofo‘anga ‘o e Fa‘ahita‘u Momokó pea mei he ngaahi siteiti fakahahake ‘o e ‘Iunaiteti Siteití.
1856 ki he 1883	Hoko ko e Tokoni Fai-Hisitōlia ‘o e Siasí.
1877, 1 ‘o Sānuali ki he 26 ‘o Sune 1884	Hoko ko e ‘uluaki palesiteni ‘o e Temipale Seni Siaosi ‘Iutaá.
1877, 29 ‘Aokosi	Fanongo he pekia ‘a Palesiteni Pilikihami ‘Iongí pea mavahe ai mei Seni Siaosi ki Sōleki Siti.
1880, 10 ‘Okatopa	Fokotu‘u ko e Palesiteni ‘o e Kōlomu ‘o e Kau ‘Aposetolo ‘e Toko Hongofulu Mā Uá ‘i he konifelenisi lahi tatau ne fokotu‘u ai ‘a Sione Teila ko e Palesiteni ‘o e Siasí.
1882	Ne paasi ai ‘i he Falealea ‘o e ‘Iunaiteti Siteití ‘a e Lao Fakaangaanga ‘Etimaní (Edmunds Act), ke hia matea ‘a e mali toko lahí pea ta‘ofi mo e kau mali toko lahi mei he filí, ma‘u ‘o ha ngāue fakapule‘anga, pe fakahoko ‘o ha fatongia fakasula.
1883 ki he 1889	Hoko ko e Fai-hisitōlia ‘o e Siasí.
1887, 19 Fepueli	Ne paasi ai ‘e he Falealea ‘o e ‘Iunaiteti Siteiti ‘a e Lao Fakaangaanga ‘Etimani–Taká (Edmunds-Tucker Act), ko ha lao fakaangaanga ia ‘e taha ‘oku tapui ai ‘a e mali toko lahí, ‘oku fakangofua ai ‘a e pule‘anga fakafonuá ke nau fa‘ao ha konga lahi ‘o e kelekele ‘o e Siasí. Ne hoko ‘a e fokotu‘ú ni ko e lao ‘i he ‘aho 3 ‘o Ma‘asi 1887.
1887, 25 Siulai	Hoko ko e ‘Aposetolo Pule mo e ma‘u mafai pule ‘o e Siasí ‘i he pekia ‘a Palesiteni Sione Teilá.
1888, 17 Me	Fakatapui ‘a e Temipale Menitai ‘Iutaá.
1889, 7 ‘Epeleli	Fokotu‘u ko e Palesiteni ‘o e Siasi ‘o Sīsū Kalaisi ‘o e Kau Mā‘oni‘oni ‘i he Ngaahi ‘Aho Kimuí Ni.
1890, 24 Sepitema	Hili ‘ene ma‘u ha fakahā mei he ‘Eikí, na‘á ne tuku atu ai ha fanongonongo fakamafai‘i ‘o pehē ‘oku totonu ke ta‘ofi ‘e he Kāingalotú hono fakahoko ‘o e mali toko lahí.
1890, 6 ‘Okatopa	Ne poupou‘i kātoa ‘e he kāingalotu ‘o e Siasí ne ‘i he konifelenisi lahí, ‘a e fakahā ne ma‘u ‘e Palesiteni Utalafi fekau‘aki mo e mali toko lahí.
1893, 6 ‘Epeleli	Fakatapui ‘o e Temipale Sōlekí.
1894, 13 Nōvema	Tokanga‘i hono fokotu‘u ‘o e Kautaha Tohi-Hohoko ‘o ‘Iutaá.
1897, 1 Mā‘asi	Kau ‘i hono fakamanatua hono ta‘u 90.
1898, 2 Sepitema	Pekia ‘i Seni Felenisisikou ‘i Kalefōnia, hili ha‘ane puke.