Pammigbig iti Agtutubo a Kinababai [Young Womanhood Recognition]

No malpasmo ti programa iti Bukod a Panagdur-as, maikarikanton nga umawat iti Pammigbig iti Agtutubo a Kinababai [Young Womanhood Recognition] Tapno maawat daytoy a gunggona:

Dumar-ayka a kanayon kadagiti miting ti sakramento (iti lugar a mabalin).
Agbiagka kadagiti pagrukodan iti Para iti Pigsa dagiti Agtutubo.
Leppasem dagiti padas nga ik-ikkan pateg ken proyekto nga ik-ikkan pateg para iti tunggal maysa kadagiti walo nga ik-ikkan pateg.
Agsuratka iti bukod a diurnal.
Dumar-ayka iti seminary wenno makiramanka iti bukod a panagadal (iti lugar nga adda maang-angay a klase).
Basaem a kanayon ti Libro ni Mormon.
Isuratmo ti pammaneknekmo maipapan iti Mangisalakan a ni Jesucristo.

Daytoy a gunggona ti mangbigbig kenka para iti pannakaikarim ken para iti panangileppasmo iti amin a dawdawaten a kasapulan ti Bukod a Panagdur-as. Kas maysa nga umawat iti daytoy a gunggona, ipakitam a naipasdekmon ti maysa a pagtuladan ti panagdur-as iti biagmo. Naisaganaka a mangaramid ken agtungpal kadagiti sagrado a katulagan iti templo. Naikumitka iti panagtungpal kadagiti bilin, panagserbi iti dadduma, ken panangpadur-as ken panangibinglay kadagiti sagutmo ket talentom. Ikagumaanam ti mangpapigsa iti pagtaengan ken pamilia.

Mabalin a mayawat iti miting ti sakramento ti Pammigbig iti Agtutubo a Kinababai [Young Womanhood Recognition]. Kalpasan ti panangawatmo iti gunggona, nasken nga itultuloymo ti agbiag a sipupudno kadagiti pagrukodan iti Para iti Pigsa dagiti Agtutubo. Yaplikarmo no ania dagiti nasursurom bayat ti panagtultuloymo nga agsagana tapno agaramid kadagiti sagrado a katulagan iti templo iti Nailangitan nga Ama. Makasarakkanto iti rag-o ken ragsak bayat ti panangaramidmo iti daytoy.