Agtutubo
Nadiosan a Kababalin

Nadiosan a Kababalin

Agbalinkayo a paset ti nadiosan a kababalin. …Aramatenyo ti amin a kinaregtayo ket iti pammatiyo inayonyo ti kinasingpet, ket iti kinasingpet, ti kinasirib; ket iti sirib inayonyo ti panagparbeng; ket iti panagparbeng, ti anus; ket iti anus, ti panagbuteng iti Dios; ket iti panagbuteng iti Dios, ti ayat a nainkabsatan; ket iti ayat a nainkabsatan ti ayat kadagiti isu amin (2 Pedro 1:4–7)

Natawidko dagiti nadiosan a kababalin, nga ikagumaakto a padur-asen.

Dagiti Naidawat a Kasapulan a Padas nga Ik-ikkan Pateg

Leppasem dagiti sumaganad a tallo a naidawat a kasapulan a padas nga ik-ikkan pateg. Papirmaam ken paikkam iti petsa iti naganak kenka wenno lidermo ti tunggal padas kalpasan a malpasmo.

  1. Ania dagiti sumagmamano a nadiosan a kababalin ti maysa nga anak a babai ti Dios? Basaem ti “Ti Kaamaam: Maysa a Waragawag ti Lubong” (kitaen iti panid 101); 2 Pedro 1; Alma 7:23–24; ken Doktrina ken Katulagan 121:45. Iti bukodmo a balikas, ilistam dagiti nadiosan a kababalin a nailawlawag iti panagbasam. Panunotem no kasano a matakuatam ken mapadur-asmo ti tunggal maysa kadagitoy a kababalin. Isuratmo dagiti kapanunotam iti diurnalmo.

  2. Kas maysa nga agtutubo a babai naparaburanka kadagiti nadiosan a kababalin ti kinababai. Padur-asem ti pannakaawatmo ken panagdayawmo iti kinababai. Basaem ti Dagiti Proverbio 31:10–31 ken ti dua a bitla maipapan iti kinababai manipud iti isyu ti kumperensia dagiti magasin ti Simbaan. Ulitem nga adalen no ania ti ibagbaga ti “Ti Kaamaan: Maysa a Waragawag ti Lubong” (kitaen iti panid 101 maipapan iti panagbalin a maysa nga asawa ken ina. Kalpasanna saludsodem ken ni nanangmo wenno iti sabali nga ina a raraemem no ania iti panagkunana dagiti napapateg a kababalin para iti panagbalin a maysa nga ina. Ilistam dagiti kababalin [attributes] iti diurnalmo. Kalpasanna pumilika iti maysa kadagitoy a kababalin ket ikarigatam a padur-asen daytoy. Kapasan ti dua a lawas ipakaammom ti balligim iti maysa a naganak wenno lider.

  3. Aramidem a nasaysayaat ti biagmo iti pagtaengan. Iti uneg ti dua a lawas aramidem ti amin a kabaelam a mangpapigsa iti relasionmo iti maysa a miembro ti pamilia babaen ti panangipakitam iti ayat babaen kadagiti tignaymo. Liklikam ti panaghusga, panagdillaw, wenno panagsasao iti makapasakit, ken siputam dagiti nasayaat a kababalin dayta a miembro ti pamilia. Agsuratka kadagiti surat a pammaregta, ikararagam daytoy a miembro ti pamila, sapulem dagiti wagas a makatulongka, ket yebkasmo ti ayatmo. Ibinglaymo dagiti padasmo ken dagiti nadiosan a kababalin a natakuatam iti dayta a miembro ti pamila wenno iti maysa a naganak wenno lider.

Dagiti Mainayon a Padas nga Ik-ikkan Pateg

Leppasem dagiti tallo a mainayon a padas nga ik-ikkan pateg Mabalinmo a pilien manipud kadagiti sumaganad a pagpilian wenno isuratmo agingga iti dua a bukodmo. Nasken nga anamongan ti naganak kenka wenno lidermo dagiti insuratmo a mismo sakbay a mangrugika. Papirmaam ken paikkam iti petsa iti naganak kenka wenno lidermo ti tunggal padas kalpasan a malpasmo.

  1. Yulom dagiti kararag ti sakramento iti Doktrina ken Katulagan 20:77, 79. Bayat ti sakramento, dumngegka a nasayaat kadagiti kararag ket panunotem no ania ti kayat a sawen ti mangawat iti bagim ti nagan ni Jesucristo ken no kasano a makaapekto ti panangaramid iti daytoy kadagiti tignay ken pangngeddengmo. Sanayem a tungpalen dagiti katulagam idi nabuniaganka. Rugiam babaen ti panangaramidmo iti maysa a banag iti inaldaw tapno mabigbig ken ad-adda pay a mapadur-asmo dagiti nadiosan a kababalinmo ken tapno makatulong kenka a manglagip a kanayon ken ni Apo Jesucristo. Kalpasan ti dua lawas isuratmo ti padasmo iti diurnalmo.

  2. Ti panagtulnog ket maysa a kababalin [attribute] ti Mangisalakan. Ikagumaanam ti agbalin a natultulnog kadagiti nagannak kenka. Basaem ti Lucas 2:40–51 ken Juan 6:38. Mangparnuayka iti maysa a pagtuladan ti panagtulnog bayat ti panangikarigatam a mangtrato kadagiti nagannak kenka nga addaan respeto ken kinaasi ken mangaramid no ania ti indawat nga aramiden dagiti nagannak kenka a saan a mapalpalagipan. Kalpasan ti dua lawas isuratmo iti diurnalmo no kasano a nangguyugoy kenka ti panagbalin a natultulnog tapno agtarigagayka a mangituloy iti panangaramid iti kastoy ken no kasano a natulongannaka daytoy a makaawat iti nadiosan a kababalinmo ken dagiti nadiosan nga akem dagiti inna ken amma.

  3. Padur-asem dagiti nadiosan a kababalinmo. Basaem ti Mateo 5:9; Juan 15:12; Taga-Galacia 5:22–23; Taga-Colosas 3:12–17; 1 Juan 4:21; ken Moroni 7:44–48. Yulom ti paggugustom a bersikulo manipud iti maysa kadagitoy a binatog. Ammuem dagiti nadiosan a kababalin a nadakamat iti amin kadagitoy a nasantuan a kasuratan ket ilistam ida iti diurnalmo. Pumilika iti maysa a kababalin, ket iti uneg ti dua a lawas ikagumaanam a pagbalinen daytoy a maysa a paset ti inaldaw a biagmo. Isuratmo ti panagdur-asmo ken dagiti padasmo iti diurnalmo.

  4. Adalem ti kaipapanan ti balikas a mamagkappia. Kalpasanna sapulem ken basaem ti lima a nasantuan a kasuratan a mangisursuro iti maipapan kadagiti mamagkappia. Agbalinka a pagwadan ti mamagkappia iti pagtaenganyo ken iti pagadalan bayat ti panangliklikmo iti panagdillaw, panagdayamudom, wenno panagsao iti saan a nasayaat iti wenno maipapan kadagiti dadduma. Agkararagka iti binigat ken rinabii iti Nailangitan nga Ama para iti tulong a mangaramid iti daytoy. Kalpasan ti dua a lawas isuratmo iti diurnalmo no ania dagiti baro nga ugali a kayatmo a padur-asen, no kasano a paset ti nadiosan a kababalinmo ti panagbalin a mamagkappia, ken no kasano nga itultuloymoto ti agbalin a mamagkappia.

Dagiti Bukod a Padas nga Ik-ikkan Pateg

Proyekto nga Ik-ikkan Pateg

Kalpasan a naileppasmo dagiti innem a padas nga ik-ikkan pateg iti nadiosan a kababalin, mangpartuatka iti maysa a proyekto a mangtulongto kenka a mangsanay iti nasursurom. Nasken a maysa daytoy a napateg nga aramid a mangbubosto iti uray sangapulo laeng nga oras a mangileppas. Sikakararag a dawatem ti pannarabay ti Espiritu Santo tapno pumili iti napateg a proyekto.

Paanamongam iti naganak kenka wenno lidermo ti proyekto sakbay a mangrugika. Mangisuratka iti ebalwasion [evaluation] kalpasan ti panangileppasmo. Adda iti baba dagiti sumagmamano a kapanunotan para iti maysa a proyekto nga ik-ikkan pateg

  • Mangpadur-aska iti maysa a paglaingan a mausarmo iti masakbayan a pagtaengam, kas iti panagluto, panagdait, panagtarimaan, panagurnos, ken panagdisenio. Isurom dayta a paglaingan iti maysa a tao, ken ilawlawagmo no kasano a ti panangipasdek iti balay a naurnos (kitaen iti DkK109:8) ket maysa kadagiti nadiosan nga akemmo.

  • Iti uneg ti naunday a panawen, agserbika iti maysa a tao nga agkasapulan, kas iti maysa nga ubing nga ina, maysa a tao nga addaan iti pagkurangan, wenno maysa a lakay wenno baket. Isuratmo iti diurnalmo no kasano a nakatulong kenka ti panagserbim a mangbigbig iti nadiosan nga akem iti bagim ken iti dadduma.

  • Ilistam dagiti nadiosan a kababalin [attributes] ken akem dagiti babbai kas naisuro iti “Ti Kaamaan: Maysa a Waragawag iti Lubong” (kitaen iti panid 101), ket aramidem ti maysa a proyekto a mangtulong kenka a makasursuro iti ad-adu pay maipapan iti maysa kadagita nga akem.

  • Iti panangusarmo iti maysa a paglaingan iti arte wenno partuat ti ima a nasursurom, mangaramidka iti maysa a banag para iti agdama wenno masakbayan a pagtaengam. Isuratmo iti diurnalmo no kasano a ti panagbalin a managpartuat ket paset ti nadiosan a kababalinmo ken no kasano a nangparabur kadagiti dadduma ti panangibinglaymo iti kinamanagpartuatmo.

  • Ti natunos a pannakipagtrabaho kadagiti dadduma ket maysa a nadiosan a kababalin (kitaen iti DkK 38:27). Mangaramidka iti maysa a proyekto a mangitandudonto iti panagkaykaysa kadagiti kakabagiam, pagadalam, wenno komunidadmo. Isuratmo iti diurnalmo no kasano a makaaramidka iti naisangsangayan no makikaysaka nga agtrabaho kadagiti dadduma.

Ti proyektok ket:

Ti planok a mangaramid iti proyektok ket:

Pannakaanamongna

Napattapatta a petsa ti pannakaileppas

Ti ebalwasionko iti proyekto ket (iramanmo no kasano ti panagriknam ken no kasano a dimmur-as ti pannakaawatmo maipapan iti nadiosan a kababalin):

Pirma ti naganak wenno lider

Petsa

Dagiti oras a nabubos