Agtutubo a Babbai
Dagiti Klase ken Simbolo

Beehive, agtawen iti 12 ken 13

Ti beehive ket maysa a simbolo ti panagtutunos, panagtitinnulong, ken aramid para kadagiti nagkauna a kameng ti Simbaan. Ti Beehive pay ket ti umuna a nagan a naited kadagiti agtutubo a babbai iti pakasaritaan ti Simbaan. Dagiti Beehive ita ket agsursuro nga agtrabaho a sangkamaysa nga addaan iti panagtitinnulong ken panagtutunos bayat ti panangpapigsada iti pammatida ken ni Jesucristo ken agsaganada nga agtakder para iti kinapudno ken kinalinteg. Daytoy ti panawen tapno “tumakder ken agrimat” (DkK115:5).

Mia Maid, agtawen iti 14 ken 15

Ti nagan a Mia Maid ket napnuan pakasaritaan a maibatay iti Mutual Improvement Association, a nangpili iti tanda (emblem) ti rosas kas maysa a simbolo ti ayat, pammati, ken kinatarnaw. Dagiti Mia Maid ita ket agsursuro maipanggep iti ayat, pammati, ken kinatarnaw bayat ti panangpapigsada iti pammaneknekda ken panangawat ken panagtignayna babaen kadagiti ik-ikkan pateg ti Young Women.

Laurel, agtawen iti 16 ken 17

Iti uneg ti adu a siglo ti balangat a laurel [laurel wreath]ket korona a nasillapid manipud kadagiti bulong ti kayo a laurel. Daytoy ket maited iti maysa a tao a makaturpos iti napateg nga aramid kas maysa a simbolo ti dayaw ken naileppas. Dagiti Laurel ita ket ilepleppasda ti panagsaganada nga agaramid ken agtungpal kadagiti sagrado a katulagan ken umawat kadagiti ordinansa ti templo.