Ipapanaw ti Israel Manipud iti Egipto ken Iseserrek iti Canaan

Rameses Napapanaw ti Israel iti Egipto (Ex. 12; Num. 33:5).

Succot Kalpasan a pinanawan dagiti Hebreo daytoy umuna a nagkampuan, kinuyog ida ti Apo iti ulep iti aldaw ken iti adigi ti apuy iti rabii (Ex. 13:20–22)

Pihahirot Nagdaliasat ti Israel iti Nalabaga a Baybay (Ex. 14; Num. 33:8).

Mara Pinagbalin ti Apo a mabalin nga inumen dagiti dandanum ti Mara (Ex. 15:23–26).

Elim Nagkampo ti Israel iti abay ti 12 nga ubbog (Ex. 15:27).

Langalang ti Sin Nangipatulod ti Apo iti mana ken pugo a pangpakan iti Israel (Ex. 16).

Refidim Nakiranget ti Israel ken ni Amalek (Ex. 17:8–16).

Bantay Sinai (Bantay Horeb wenno Jebel Musa) Impalgak ti Apo dagiti Sangapulo a Bilin (Ex. 19–20).

Langalang ti Sinai Impatakder ti Israel ti tabernakulo (Ex. 25–30).

Dagiti Kampo iti Langalang Naawagan ti pitupulo a panglakayen tapno tumulong ken ni Moises a mangituray kadagiti tao (Num. 11:16–17).

Ezion-geber Dinaliasat ti Israel dagiti daga ti Esau ken Ammon a sitatalna (Deut. 2).

Kades Barnea Nangibaon ni Moises kadagiti espia iti naikari a daga; immalsa ti Israel ket saan a nakastrek iti daga; nagserbi ti Kades a kas kangrunaan a kampo ti Israel iti uneg ti adu a tawen (Num. 13:1–3, 17–33; 14; 32:8; Deut. 2:14).

Akindaya a Langalang Liniklikan ti Israel ti pannakisusik kada Edom ken Moab (Num. 20:14–21; 22–24).

Karayan Arnon Dinadael ti Israel dagiti Amorreo a nakiranget kadakuada (Deut. 2:24–37).

Bantay Nebo Kinita ni Moises ti naikari a daga (Deut. 34:1–4). Inted ni Moises ti maudi a tallo a sermonna (Deut. 1–32).

Tantanap ti Moab Imbaga ti Apo iti Israel a bingayenda ti daga ket binabawyanna dagiti agindeg (Num. 33:50–56).

Karayan Jordan Binallasiw ti Israel ti Karayan Jordan iti namaga a daga. Iti asideg ti Gilgal, naikabil dagiti bato manipud iti lansad ti Karayan Jordan a kas monumento dagiti dandanum ti Jordan a nabingay (Jos. 3:1–5:1).

Jerico Inagaw ken dinadael dagiti annak ti Israel ti siudad (Jos. 6).