Ladladawan dagiti Lugar iti Nasantuan a Kasuratan

Dagitoy a ladawan dagiti napapateg a lugar ti mangipakita wenno mangilawlawag kadagiti dagdaga a nagnaan ni Jesus, a nagindegan ken nangisuruan dagiti propeta iti Biblia, ken nakapasamakan ti adu a pagteng a mainaig iti nasantuan a kasuratan. Tapno matulonganka a nasaysayaat a mangaramat kadagitoy a ladawan iti panagadalmo, napakuyogan ti tunggal ladawan iti ababa a pangiladawan. Agpada ti numero ken paulo ti pangiladawan ken ti numero ken paulo ti ladawan. Ilawlawag ti umuna a parapo a sumaruno iti paulo ti pangiladawan ti lugar ti ladawan, a pakairamanan dagiti napateg a banag a makita ken masansan a no ania ti turongen ti sangsanguen ti retratista. Sa naisurat dagiti kapatgan a pasamak a mainaig iti nasantuan a kasuratan manipud iti dayta a lugar, a napakuyogan kadagiti pagibasaran a nasantuan a kasuratan tapno maammuam ti ad-adu pay a pakabasaam maipanggep kadagita a pasamak.