9. Templo ni Herodes

Ipakita daytoy a ladawan ti eskala a modelo ti templo ni Herodes a kas itoy idi K.P. 67. Ti pader a naipalawlaw iti agkakanaig a pasdek ti templo ti nangalad iti santuario a yan ti Kasantuan kadagiti Nasantuan, ti nasantuan a lugar, ken tallo a dadakkel a paraangan.

Dagiti Napapateg a Pasamak: Indatag da Jose ken Maria ti maladaga a ni Jesus iti templo (Lucas 2:22–38). Nangisuro ti Mangisalakan iti templo idi agtawen iti 12 (Lucas 2:41–46). Pinapanaw ti Mangisalakan dagiti agsuksukat iti kuarta manipud iti templo (Mat. 21:12–13) ket impadtona ti pannakadadael ti templo (Mat. 24:1–2). Mabangonto ti masakbayan a templo iti Jerusalem (Eze. 40–48; Zac. 8:7–9). (Kitaen iti Pangiwanwan iti Nasantuan a Kasuratan, “Templo, Balay ti Apo.”)