23. Baybay ti Galilea ken ti Bantay dagiti Naespirituan a Kababalin

Buya nga agpaabagatan-a-laud iti amianan a paset ti Baybay Galilea, a dan-aw ti nadalus a danum. Masarakan ti Tiberias iti bakrang ti adayo a kadaratan ken iti kanigid ti ladawan iti adayo. Ti turod iti tengnga ti sango ket ti kannawidan a lugar ti Bantay dagiti Naespirituan a Kababalin. Adda ti Capernaum iti kanigid, awan iti ladawan.

Dagiti Napapateg a Pasamak: Ditoy a lugar ti nangbubosan ti Mangisalakan iti kaaduan a panagserbina iti daga. Ditoy ti nangawagan ken nangordenanna kadagiti Sangapulo-ket-dua nga Apostol (Mat. 4:18–22; 10:1–4; Marcos 1:16–20; 2:13–14; 3:7, 13–19; Lucas 5:1–11) insurona ti Sermon iti Bantay (Mat. 5–7), ken nangisuro babaen kadagiti pangngarig (Mat. 13:1–52; Marcos 4:1–34). Maibilang kadagiti sumaganad dagiti milagro nga inaramidna: inagasanna ti maysa nga agkukutel (Mat. 8:1–4); pinagtalnana ti bagyo (Mat. 8:23–27); pinaksiatna ti sangaarbanan a sairo iti agtutubo a lalaki, a simrek kadagiti baboy a nagtataray a nagturong iti baybay (Marcos 5:1–15); pinagungarna ti babai nga anak ni Jairo manipud ken patay (Mat. 9:18–19, 23–26; Marcos 5:22–24, 35–43); pinakanna dagiti 5,000 ken dagiti 4,000 (Mat. 14:14–21; 15:32–38); binilinna dagiti disipulona nga isaruagda dagiti iketda, a nakaalaanda iti adu nga ikan (Lucas 5:1–6); inagasanna ti adu a tao (Mat. 15:29–31; Marcos 3:7–12); ken nagparang kalpasan ti Panagungarna tapno isurona dagiti disipulona (Marcos 14:27–28; 16:7; Juan 21:1–23).