Dagiti Mapa ken Indeks ti Nagnagan dagiti Luglugar

Makatulong kenka dagiti sumaganad a mapa tapno maawatam a nasaysayaat dagiti nasantuan a kasuratan. Babaen ti panangammo iti heograpia dagiti daga a nailawlawag kadagiti nasantuan a kasuratan, maawatam a nasaysayaat dagiti pasamak iti nasantuan a kasuratan.

Makatulong kenka ti paalpabeto a panagsasaganad dagiti nagan ti luglugar a mangsapul iti maitudo a lugar kadagiti mapa. Mangted ti tunggal naiserrek a balikas iti numero ti mapa a sarunuen ti agtugmok a pagibasaran, a kombinasion ti letra ken numero. Kas pagarigan ti naiserrek a balikas para iti Rabba (Amman) iti umuna a mapa ket mailista a kas 1:D5; a dayta ti, mapa 1, kuadrado D5. Masarakam dagiti naipangpangruna a kuadrado iti tunggal mapa babaen ti panagibasar kadagiti agtutugmok iti ngato ken sikigan dayta a mapa. Nailista babaen ti panaklot dagiti pangsandi a nagnagan dagiti lugar; kas pagarigan, Rabba (Amman). Ipakita ti marka a saludsod kalpasan ti nagan ti mapa a ti lugar a makita iti mapa ket mabalin wenno nalabit ngem saan pay a masinunuo.

Sumaganad ti tulbek ti pannakaawat kadagiti nadumaduma a simbolo ken langa ti pannakaimakinilia a naaramat kadagiti mapa. Mainayon pay, mabalin a naglaon dagiti saggaysa a mapa kadagiti tulbek nga addaan pannakailawlawag dagiti mainayon a simbolo a mainaig iti dayta maitudo a mapa.

●: Ibagian ti maysa a nalabaga a tuldek ti maysa a siudad wenno ili. No dadduma maysa a linia ti mangitudo manipud iti tuldek agingga iti nagan ti siudad wenno lugar.
▲: Ibagian ti bassit a nangisit a trianggulo ti maysa a bantay.
Natay a Baybay: Naaramat ti kastoy a pannakaimakinilia (wenno pannakailetra) para kadagiti lugar ti heograpia kas kadagiti taaw, baybay, dan-aw, karayan, bantay, langalang, tanap, disierto, ken puro.
Jerusalem: Naaramat ti kastoy a pannakaimakinilia (wenno pannakailetra) para iti amin a siudad ken ili (ken para iti detaliado a lugar iti mapa ti siudad ti Jerusalem).
Moab: Naaramat ti kastoy a pannakaimakinilia (wenno pannakailetra) para kadagiti babbabassit a bingay ti politika a kas iti rehion, tattao, ken tribu.
Judea: Naaramat ti kastoy a pannakaimakinilia (wenno pannakailetra) para kadagiti daddadakkel a bingay ti politika a kas kadagiti nasion, pagilian, ken kontinente.