25. Karayan Jordan

Mangrugi ti Karayan Jordan iti amianan ti Baybay ti Galilea, ket agayus ditoy, sa agtultuloy iti abagatan iti Natay a Baybay.

Dagiti Napapateg a Pasamak: Pinili ni Lot dagiti tanap ti Jordan a para kenkuana (Gen. 13:10–11). Biningay ni Josue dagiti dandanum, tapno makaballasiw dagiti Israelita a mapan iti naikari a daga (Jos. 3:13–17; 4:1–9, 20–24). Biningay da Propeta Elias ken Eliseo dagiti dandanum (2 Ari 2:5–8, 12–14). Naagasan ni Naaman iti kukutel (2 Ari 5:1–15). Binuniagan ni Juan Bautista ti adu a tattao, a pakaibilangan ti Mangisalakan (Mat. 3:1–6, 13–16). (Kitaen iti Pangiwanwan iti Nasantuan a Kasuratan, “Karayan Jordan.”)