16. Silo

Iti daytoy a buya iti agpalaud, adda dagiti rebba ti nagkauna a siudad iti makanigid ti tengnga ti ladawan. Adda dagitoy iti rabaw ti bassit a nagtimbukel a turod a napalawlawan kadagiti nangatngato a turod.

Dagiti Napapateg a Pasamak: Naguummong dagiti tribu ti Israel ket naawatda ti bingayda a sakup a daga (Jos. 18–22). Ditoy a naipasdek ti tabernakulo ken lakasa ti tulag ken nagtalinaed iti adu a siglo (Jos. 18:1). Ditoy ti nagkararagan ni Anna ken nangidatonanna iti anakna a ni Samuel iti panagserbi iti Apo (1 Sam. 1). Innala dagiti Israelita ti lakasa manipud iti Silo ket inabak ida dagiti Filisteo, a nangagaw kalpasanna iti lakasa (1 Sam. 4:1–11).