15. Jerico

Ipakita daytoy a ladawan dagiti mulmula iti agdama a Jerico. Idi un-unana naaladan daytoy a siudad iti tanap ti Karayan Jordan, 252 a metro iti babaen ti patad ti baybay. Nabaknang daytoy a lugar a pagmulaan a pakatanoran kadagiti datiles ken mulmula a lulukisen. Iti likud ti kannawidan a Bantay ti Sulisog (Mat. 4:1–11).

Dagiti Napapateg a Pasamak: Iti asideg daytoy a lugar, immuna a binallasiw da Josue ken dagiti annak ti Israel ti Karayan Jordan, a simrek iti naikari a daga (Jos. 2:1–3; 3:14–16). Milagro ti panangrebba ti Apo kadagiti pader sakbay a nakastrek dagiti buyot nga Israelita (Jos. 6; kitaen met iti Heb. 11:30). Inlunod ni Josue ti siudad (Jos. 6:26), a natungpal (1 Ari 16:34). Inagasan ni Eliseo dagiti danum ti Jerico (2 Ari 2:18–22). Iti dalanna a nagturong iti maudi nga isasarungkarna iti Jerusalem, nagna ditoy ti Mangisalakan, a nangagasanna iti bulsek a ni Bartimeo ket simmurot ken ni Zaqueo, ti agsingsingir iti buis (Marcos 10:46–52; Lucas 18:35–43; 19:1–10). Naiparang ti dalan nga agturong iti Jerico manipud iti Jerusalem iti pangngarig ti naimbag a Samaritano (Lucas 10:30–37).