17. Bantay Gerizim ken Bantay Ebal

Buya nga agpalaud. Adda iti kanigid ti Bantay Gerizim, ken iti kanawan ti Bantay Ebal. Nailadawan ditoy ti kabaruanan a Nablus. Masarakan ti nagkauna a siudad ti Siquem iti nagbaetan dagitoy dua a bantay iti tanap iti baba (iti kanigid ti ladawan).

Dagiti Napapateg a Pasamak: Nagkampo ni Abraham iti Siquem (Gen. 12:6–7). Nagkampo ditoy ni Jacob ket gimmatang iti sangkadisso a daga (Gen. 33:18–20). Ti Bantay Gerizim ti bantay ti bendision idinto a ti Bantay Ebal ti bantay ti lunod (Deut. 27–28). Iti Bantay Ebal, nangbangon ni Josue iti monumento a nakaisuratan ti linteg ni Moises ket kalpasanna imbasana ti linteg kadagiti Israelita (Jos. 8:30–35). Naikali dagiti tulang ni Jose iti Siquem (Jos. 24:32).