12. Minuyongan ti Getsemani

Naala daytoy a ladawan ti lakay a kayo ti olibo iti kannawidan a lugar ti Minuyongan ti Getsemani. Asideg daytoy iti nagkararagan ti Mangisalakan kalpasan ti ipapanawna iti akinngato a siled iti rabii ti pannakaliputna.

Dagiti Napapateg a Pasamak: Ditoy a nangrugi a nagsagaba ni Jesucristo para kadagiti basol ti sangkataw-an (Mat. 26:36–44; Marcos 14:32–41; DkK 19:16–19). Kalpasan ti kararagna liniputan isuna ni Hudas Iscariote, ket pinanawan dagiti disipulona iti apagkanito kalpasan ti pannakatiliwna iti minuyongan (Marcos 14:50). (Kitaen iti Pangiwanwan iti Nasantuan a Kasuratan, “Getsemani.”)