4. Kades-barnea

Daytoy ti buya iti agpaamianan-a-daya ti dakkel a tanap ti disierto (maawagan pay iti wadi) a pakasarakan iti Kades-barnea. Ti waig nga agayus ditoy iti panawen ti panagtutudo ket mamagbalin iti daytoy a napintas ti pannakadanumna ken nabunga a disso iti langalang ti Sin.

Dagiti Napapateg a Pasamak: Nalabit a daytoy ti disso a nangibaonan ni Moises kadagiti 12 a lallaki tapno agsiimda iti daga a Canaan (Num. 13:17–30). Nagpaay daytoy a base ti kampo para kadagiti Israelita bayat dagiti 38 a dumani 40 a tawen a panagallaalla iti langalang (Deut. 2:14). Natay ni Miriam ket naitanem ditoy (Num. 20:1). Daytoy ti buya ti yaalsa ni Core, ti panagdayengdeng dagiti tao, ken ti panagsaringit ti sarukod ni Aaron (Num.16–17). Iti asideg ditoy pinang-or ni Moises ti bato babaen ti sarukodna ket pimsuak ti danum (Num. 20:7–11).