27. Nazaret

Naala daytoy a ladawan iti kabaruanan a siudad ti Nazaret a nakasango iti agpaabagatan. Kadagiti panawen ti Biblia, maysa a bassit a purok ti Nazaret.

Dagiti Napapateg a Pasamak: Nakita ni Nephi iti parmata ti ina ti Mangisalakan iti Nazaret (1 Ne. 11:13–22). Imbaga ni anghel Gabriel ken ni Maria nga ipasngaynanto ti Mangisalakan (Lucas 1:26–35). Imbaga ni Gabriel ken ni Jose nga awatenna nga asawa ni Maria ket panagananna ti anakna iti Jesus (Mat. 1:18–25). Dimmakkel ni Jesus idiay Nazaret (Mat. 2:19–23; Lucas 2:4–40; 4:16). Nangasaba ken impakaammona iti sinagoga nga isu ti Mesias (Lucas 4:16–21), ngem saan nga inawat isuna dagiti tao ti Nazaret (Mat. 13:54–58; Lucas 4:22–30).