1. Tuʼnj lutzn luʼ aj Kajaw xiʼ yolan tucʼ nmane, ictzan, tuj jun witzicʼ cyjaʼw: Cyeʼyaxa Lehi, tuʼnju maʼ bant tuʼna; ix tuʼnju baʼnxix xjala, ix oʼ txiʼ tkʼamaʼna cye tnam aj oʼ txiʼ nsamaʼne tiʼj, lutzan luʼ, cyajbil tuʼn tel twiʼya.

2. Ix banttzan que xiʼ samaʼn nmane tuʼn Kajaw tuj jun twitzicʼ tuʼn tex ix tuʼn t-xiʼ tuj desyert cyucʼaxke tfamilye.

3. Ix bajtzan que ocx tniʼman tyol Kajaw, cyjaʼtzan bʼant tuʼn aj otok tzaj kʼamaʼn te tuʼn Kajaw.

4. Ix bajtzan que ex tuj desyert; ix cyaj tcoʼlan tja, aj ttxʼ otxʼ cyaj kʼon tuʼn tman, aj t-oro, tplata ixke cosas tkʼinamabil, ix ntiʼx xiʼ tiʼn tucʼal mas que oʼcxke tfamilye, ke tcosas ixke tja xbalan ix xiʼ tuj desyert.

5. Taj cypon twitz tmojón nikayan tziʼ play te Mar Rojo, xiʼ tuj desyert nikaʼyan tziʼ mar aju; ix xiʼ tzn tuj desyert cyucʼaxke tfamilya, que akaj Saríah, aj ntxuʼya, ixke wermaniya nimak, Lamán, Lemuel, ix Sam.

6. Ix bajtzan, taj cybet oxa kʼij tuj desyert, baj tbinchan tja tuj jun chkʼajlaj nikaʼyan ttziʼ jun niʼman.

7. Ix bajtzan que, baʼnt jun altar pur xak ix xiʼ tkʼoʼn jun oyaj te Kajaw jatuma xiʼ tkʼoʼn chjonta te Kajaw Dios.

8. Ix aj niʼman npon tuj Mar Rojo oc tkʼon tbʼi te Lamán; ix aj chkʼajlaj xiʼyna tziʼ aʼ niʼman max ponn nikaʼyan jatum npon baj tuj Mar Rojo.

9. Ix taj til nmane que aj niʼman npon tuj Mar Rojo, xiʼ yolan te Lamán cyjaʼw: ¡Oh nokat icya ictzaʼnj niʼman nbet luʼ ntiʼx tuʼn tweʼ tuʼn tpon tuj jun jikan xtis!

10. Ix ax tmaʼ te Lemuel: ¡Oh nokt icya ictzaʼnj chkʼajlaj luʼ, ntiʼ nyucẍ, tuʼn cycʼutke tmandamyent Kajaw!

11. Yolan icju tuʼn tlaj aj cyiw tanma Lamán ix Lemuel; ix lutzan luʼ, nimca i yolan tiʼj cyman: que baʼn tilke tilbilal, ixque otok chetz kʼiʼn cye tuʼn cyman, at oro, ix plata ix nimca cosas te kʼinamabil, tuʼntzan cycub cyim tuj desyert. Ix chichitzan que bant aju tuʼn tuʼnju loc t-ximbatz tanma.

12. Ix ictzan Lamán ix Lemuel, atzanke nimak cʼwal, nchiyolan ploj tiʼj cyman porque mi cytzkiʼn aj takʼin Dios aj tzaj kʼoʼn cyankʼbil tuʼn.

13. Ix ntix ocx cyocslaʼn que jaca cub tilpaj tnam te Jerusalén ictzan otok cyma profetas; ix icke ictzan ke Judiy te Jerusalén aj cyajbe tuʼn tcuʼ cybiyoʼn nmane.

14. Ix bajtzan que, nmane noj tanma tuʼn Xewbaj, xiʼ yolan cye jatuma iteʼ chkʼajlaj Lemuel tbi tuʼntzanju iluʼlan twitz, ix biʼxtzan icu tzacsan ntiʼx tuʼn tbant cyyolan tiʼj; ix cyjaʼtzan xiʼ cytziʼyan aj tzaj tkʼamaʼn cye.

15. Najltak nmane tuj jun ja baʼn tilj nokx xbalan tibaj.

16. Ix wekin, Nefi, cuʼxantak kine, ix banwtla maʼtok nweʼye, ix attak wajbile tuʼn tel nnicyʼa cyiʼj misterios te Dios, xiʼ nkanne te Kajaw; ix lutzan luʼ ul aj bitzal weya ix chiʼ oc wanmiya tuʼn, ix oc wocslaʼne cyakil ke tyol nmane tzaj tman; cyjaʼtzan ntiʼ in oc lipana tiʼj octzaʼn otok baj cye ke wermaniya.

17. Ix nchinx yolane te Sam, tiʼj aj otok tzaj tmaʼn Kajaw weya tuʼn tipumal Xeʼwbaj Xjan. Ix bajtzan que xiʼ tocslaʼn ke nyola.

18. Atzan te Lamán tucʼx Lemuel ntiʼ tuʼn t-xiʼ cybiʼn nyola; tuʼntzanj cyiw cyanma ix nkanne te Kajaw cyiʼj.

19. Ix banttzan que ntzaj tkʼamaʼn Kajaw wecyʼa cyjaʼw; cyeʼyaxa, Nefi, tuʼn tlaj tocslable, porque nim njyona wi ja tuʼnj ncub tbecyʼbiliʼn twitz tanmiya.

20. Ix ka ma cheʼx cycʼuʼnake nmandamyenta chʼiyalxix cyankʼibla i chaxela tuj jun txʼotxʼ tziʼyanmaj; ictzan, max tuj jun txʼotxʼ obant tten wuʼne te cyeya, jun txʼotxʼ jyoʼnmaj cyxol cyakil.

21. Ix ka ma chi jaw lipanke termaniya tiʼja chelal lajon ke Kajaw.

22. Ix ka ma cheʼx tcʼuʼnkeya nmandamyenta, atzana cocla te wiʼxan bix kʼil twitz cyiʼj termaniya.

23. Porque lutzan luʼ, alcyej kʼij oc cyjaw lipan wiʼja, chi xel ncyiʼiwlaʼna tuj jun ploj cyʼiwil, ix mintiʼ cyipamal cyiʼj tcʼwala oʼcxtzala ka icx cye ma chi jaw lipan tcʼwala wiʼja.

24. Ix katzan icx cye tcʼwaʼla ma chi jaw lipan wiʼja, cha bel tuj castiwa cyuʼn termaniya, tuʼntzan woque tiʼj cycʼuʼj.