1. Ix bajtzan que inyolane cye wermaniya cyjaluʼ: Kaʼjal meltzʼaj tuj Jerusalén ix baʼnxix tuʼn t-xi kcʼuʼnke tmandamyent Kajaw, porque oʼcx akʼa más ponan twitz txʼotxʼ. ¿Titzan kuʼn nyaʼ más ponan twitz Labán tucʼke tcincuent, bixmo cyucʼke tlajle tmillares?

2. Koʼke, ix kocxix cyiw ictzan te Moisés; porque axtoc xi yolan te Mar Rojo, ix el tpan tib asta tcyaj tzkij tuj tmij ix icyʼxtzanke ojtxa kxjalil mintiʼ acʼ cykan, taj cyetz colpaj tuj tnachil; ix atzanke tsoldad Faraón lepchix ke cyiʼj biʼx icyim tjakʼ Mar Rojo.

3. Cyjaʼtzan tten, baʼn cyuʼna que ax toc jluʼ, ax icx baʼn cyuʼna que jun ángel o tzaj yolan cyucʼale; ¿tzaʼn ten tuʼn ttzaj baj cycʼuʼja? Koʼ chixo, oʼcxla Kajaw jaʼc colpin te ke ictzan cyiʼj kman, ix tuʼn tcub Labán ictzanke Ejipcios.

4. Ix cucx cykʼojlke, aj t-xilen nmaʼne kej yol luʼ, ix cucx cyyolan tok; simbargo, cucx lepchixke wiʼje tajxa npona tuj Jerusalén.

5. Ix konicʼantl, ix xiʼ nmaʼne tuʼn txi cyewan cyib tiʼjxa pared. Ix tajtzan txi cyewan cyib, akine Nefi, inoʼcxa tuj tnam ix cyjuʼ inxa tja Labán.

6. Ix kʼiʼn kina tuʼn Xewbaj, tuʼnju ntiʼx baʼn wuʼne tijil tuʼn tbant wuʼna.

7. Cucxtzan, inxa, ix tajtzan npona tja Labán wiʼla jun xinak otok cuʼ tzʼak twitz txʼotxʼ nwitza, tuʼnj otok choʼn twiʼ tuʼn bin.

8. Tajtzan npon lakʼeʼya wila que a Labán.

9. Ix twilontatzane tspad, jatz wiʼna tuj tjayal. Ix wiʼla que aj tkan pur tbanal oro, juʼnxal jun binchabante, ix atzan spad jun acero tbanal.

10. Entons tzaj tmaʼn Xewbaj tuʼn tcuʼ nbiyoʼna Labán; per tzaj tuj wanmiya: Naʼnx tel tchicʼel jun xjal wuʼne. Ix ineʼl lakʼeʼya ix ntiʼ wajbila tuʼn cuʼ nbiyoʼna.

11. Ix tzaj yolan juntl maj Xewbaj wucʼala, cyjaʼw: Lutzan luʼ, ma cyaj tkʼoʼn Kajaw tuj tkʼaba. Bix biʼn wuʼne que otok tajbe tuʼn ncuba tuʼn, ix ntiʼ tajbe tuʼn txi tbʼinke tmandamyent Kajaw; ix juntl, otok cheʼl tetzan kkʼinmabila.

12. Ix juntl maj tzaj tmaʼn Xeʼwbaj; Biyoncaya, tuʼnj maʼ cyaj tkʼoʼn Kajaw tuj tkʼaba;

13. Atzan jluʼ nchi baj tkʼuchanke ploj xjal Kajaw tuʼntzan tel twitz aj tajbil tuʼn tbant. Maʼs baʼn tuʼn tcyim jun xinak, que tuʼn cycuʼ tzʼak tzaʼnx cytenca xjal tuj jun nasyon ix nok tuʼn cycyim ntiʼ cyocslabil.

14. Tons tajtzan kine, Nefi, o nbinteya kej yol luʼ, ul tiʼj ncʼuʼje aj tzaj tmaʼn Kajaw weya max tuj desyert: ka ma txiʼ cycʼuʼnke tcʼwaʼla ajke nmandamyenta, nim cjawl cyankʼibl tuj txʼotxʼ tziʼyanmaj.

15. Ictzanju, ax icx xi nkʼoʼna t-xol nximbatza que ntiʼx tuʼn txi cycʼuʼnke tmandamyent Kajaw ax tzaʼnx tley Moisés, mokatwla ten at ley cyucʼl.

16. Ix ademástl, loʼntak wuʼne aj ley lu, tzʼibanmaj cywitzke sleʼw cʼuxl te bronce.

17. Ix at mástl, el nnicʼa tiʼj que otok cyaj tkʼoʼn Kajaw Labán tuj nkʼaba tuʼntzan cywikʼe ajke storya icx tzaʼnxix ntmaʼnke tmandamyent.

18. Tunju, txi nnimna tyol Xeʼwbaj ix ntzajtzan wiʼne Labán tiʼj tzmal twiʼ, el ncʼapuʼne twiʼ tuʼnx tspad.

19. Tejlentzan ncʼapuʼna twiʼ tuʼnx tspad, oc nxbalmiʼn wiʼya tuʼnxke t-xbalan Labán, oc nkʼoʼna cyakilke, ix nojna oc wiʼje cyuʼnke tmacbil.

20. Ix taj tbant tzan ajo wuʼna cyakil, inxa tuj lugar jatuma iteʼke tkʼinmabil Labán. Ix taj npon lakʼeʼya tuju, oc noj tmajan Labán nwitza aj cʼuʼlke tal ja tiʼ jket kʼinamabil, ax yolan tpatron xiʼ nkʼoʼna, xi nmaʼne te tuʼn t-xiʼ wucʼle jatuma iteʼke kʼinamabil.

21. Ix chitzante, ka a kina tpatrón, aj Labán, pwes til aj xbalan ix spad kʼiʼn wuʼne tiʼ ncʼuʼja.

22. Tzajtzan tmaʼn cyiʼjke tij xjal judiy, porque biʼntok tuʼn que otok ten tpatron Labán cyucʼal xjal tzaʼnx cytenca tuj cyakil konicʼan.

23. Ix inyolane tucʼl, lonxa a kine Labán.

24. Ix xi nmaʼne te tuʼn cyxiʼ wiʼneke tzʼibanmaj cywitzke sleʼw cʼuxl te bronce, tuʼn cypon tucʼal wermaniya nimak aj cyex tiʼjxa pared.

25. Ix xi nmaʼne te tuʼn toc lapeʼ wiʼje.

26. Ix xiʼ t-xiʼman te que nchin yolane cyiʼjke ermana te glesya, ix que axix toc a kine Labán, aj matxix tcuʼlen nbiyoʼna, tons nnoc lapeʼ wiʼje.

27. Ix tzaj tmaʼn nimca maj wey cyiʼjke tij xjal judiy, myentras nbet nxiʼya cyiʼjke wermaniya cyex tiʼjxa pared.

28. Ix bajtzan que taj n-ilwaje tuʼn Lamán, nimxix jaw secʼpaj, icx te Lemuel tucʼx Sam; ix ijeʼl ok wiʼje tuʼnj chichitzan que a Labán ix que ka oc tel wey nwi, ax chi bel cye tuʼn Labán.

29. Bajtzan que, itzaj ntxcoʼne, ix taj cybinte que a kine, iweʼ.

30. Ix taj tilonte tmajan Labán ke wermaniya oc ten luʼlal, ix chʼixtok tuʼn tel ok, ix tuʼn tajtz tuj tnam Jerusalén.

31. Ix como wekin, Nefi, maʼ nwaʼla, ix otok tzicʼ wiʼne nim wipane te Kajaw, inoʼc tzojeʼya tiʼj tmajan Labán ix cuʼ nwaʼbana tuʼn miʼn tel ok.

32. Ix bajtzan que xiʼ nmaʼne te ka taj tuʼn txi tbiʼnke nyole, cxeʼl nmaʼne tuj tbi Kajaw ix wankʼible que ntiʼ tuʼn tcub kbiyoʼna.

33. Inx yolana tucʼal tuj tbi Kajaw que ntiʼ tuʼn tluʼlin, ix txubtxaj ctel ictzaʼn keya, ka ma txiʼ kucʼala tuj desyert.

34. Ax icx xi nmaʼna te: Ax toc a Kajaw ma samante keya tuʼn kakʼnana tuj tuʼmal ajo, ix ¿nyaʼ tuʼn koc cyiwxix tuʼn txi kcʼuʼnke tmandamyent Kajaw?

35. Ix bajtzan que Zoram, atzan tbi tmajan Labán, jaw tiʼn tipan tanma taj t-xi tbiʼnke nyola; ix xi ttziʼyan tuʼn t-xiʼ max jatuma taʼ nmane. Ix tzaj tmaʼn keya tuj tbi Kajaw tuʼn tten kucʼala te junmajx.

36. Pwes kajbiltake te junmajx tuʼn tten kucʼala, porque cyjaʼtzan tuʼmal milay ku cybike judiy ajka otok ku oka tuj desyert; ix milaytzan choʼc lapeʼ tuʼn kcuʼba.

37. Ix bajtzan que, taj txi ttziʼyan Zoram tuj tbi Kajaw, biʼx weʼ kxoblala tiʼj.

38. Ix bajtzan que, ojoʼxa tuj desyert cyucʼxke sleʼw cʼuxl te bronce ix tucʼax tmajan Labán, ix ojoʼxa tja kmane.