1. Ix bajtzan, ocx cyxoʼn tiʼj Kajaw, ix ijeʼx wucʼala; ix bʼantke tzeʼ kuʼna tuj jun binchaʼban juʼncx cyeʼyax. Ix tzaj tyecʼan Kajaw juʼnmaj tzaʼn tuʼn waʼkʼnana cyiʼj tzeʼ tuʼn tocnan tiʼj barc.

2. Jaʼlo, wekin Nefi, ntiʼ ibantke tzeʼ wuʼne ictzaʼn nbant cyuʼn xinak, ix ntiʼ bant barc ictzaʼn nbant cye cyuʼn; sino que bant ictzanc tzaj tyecʼan Kajaw weya; cyjaʼtzan nyaʼ ictzanx nbant cyuʼnke xinak.

3. Ix wekin, Nefi, cocʼx maj nchin jaxa twiʼwitz, ix nchin kaʼnn te Kajaw; aju tzaj tmaʼn Kajaw maxix cosas weya.

4. Ix bajtzan que, taj tbaj bant barc wuʼne, tzaʼnx tyol Kajaw, cyil wermaniya que baʼn; ix pur baʼn jun binchaʼban te; ix tuʼntzanju cub cybecyʼbiliʼn cywitz twitz Kajaw.

5. Ix bajtzan jluʼ pon twiʼ Kajaw tiʼ nmane tuʼn kocxa tuj barc.

6. Ix te prim, taj tbant tten cyakilke cosas: Nim twitz awal ix chibaj tuj desyert, nimca tʼal cab ix kwaya ax tzaʼnx otok tma Kajaw keya, ojoʼcxa tuj barc cyucʼax kiktza, ke kiyaja (nuestras semillas) ix cyakil aj otok tzaj kucʼla, teylax te juʼn, según twinklal; ix cyjaʼtzan tten ojoʼcxa tuj barc, koʼya, ke kxuʼjala ixke kcʼwaʼla.

7. Ix otok ten caba tcʼwaʼl nmane tuj desyert; aj matij atzan nnoc Jacob, ix atzan chʼin atzan nnoc José.

8. Ix bajtzan jluʼ que taj kocx baja tuj barc cyucʼxke tiʼchajil keya, ix cyakil aj otok tzaj kʼamaʼn keya, ojoʼxa tuj mar, ix tuʼn cykʼiʼkʼ ojoʼx kʼina tuj tumal txʼotxʼ tziʼyanmaj.

9. Ix taj kxi kʼiʼna tuʼn cykʼikʼ nimca kʼij, lutzan luʼ ke wermaniya ixke tcʼwaʼl Ismael, cyucʼax cyxuʼjl, ijoʼc ten ẍticʼl, entons ijoʼc ten bixl, bitzal ix ijoʼcten laʼjil tuj ploj, tuʼntzanju el ti cycʼuʼj aj tipumal otok cheʼx samaʼn chixo; ictzan, xiʼ cykʼon cyib tuj slaʼjbil.

10. Ix wekin, Nefi, nimxix t-xoʼblal oc wiʼja que jaca bant jaw kʼojl Kajaw kucʼala, ix ko bela tuj castiw tuʼn ke ploj ibant kuʼna, tuʼn kaja tjakʼ mar tuʼn. Cyjaʼtzan we kin, Nefi, inoctena kʼamal tucʼ cheba; per lutzan luʼ, ijaw kʼojl wucʼla, ncymaʼntok: Kcʼiʼya tuʼn toc jun kermaniya chʼin te kwixlal.

11. Ix baj jluʼ ijoʼc ten Lamán ix Lemuel wiʼja, incuʼ cycʼaloʼn tuʼn sakbak, ix nim inoc cyyasoʼn; simbargo ictzan tten tuʼn txiʼtzan tyecʼan Kajaw tiʼj tipumal, ix tuʼn tbant aj otok tma cyiʼjke ploj xjal.

12. Ix bajtzan jluʼ, nbajlentzan cʼloʼna tajxa ntiʼ inyucẍa, aj xwac tten bixmo yecʼal be aj otok bant tten tuʼn Kajaw te keya ntiʼx akʼnan.

13. Cyjaʼtzan, ntiʼx baʼn cyuʼn jatum tuʼn cyxiʼ tucʼ barc. Jawtzan jun tkan kʼancyok maʼxix ix t-xoblal, ix o ajtz meltzʼaj ox kʼij tuʼn; ix ijoʼc ten luʼlal wena tajxa atka ijeʼx tjaʼ mar. Ax icx ju ntiʼx inel kitpuʼna.

14. Ix tuj tcyajan kʼij taj kaj meltzʼuʼna tuʼn tkan kʼancyok, cyiwxax oc más.

15. Ix bajtzan que chʼixmi ojoʼxa tjaʼ mar. Ix tajtzan kaj kʼiʼna cyaj kʼij tuʼn cykʼiʼkʼ, icʼ tuj cyximbatz wermaniya que tuʼn Dios aj juicio tzaj cyibaj, ixka tuʼn cynaj ka mix sajs jolpaj tiʼ cyanma tuʼn tlaj ploj xjalke. Cyjatzan, ipon wiʼja ix el cykitpuʼn nkʼaʼba, ix lutzan luʼ otok cheʼx mal ixke tmopl nkana otok cheʼx mal ix nchi chyoʼnke.

16. Ictzan, otokten ncʼuʼja tij Dios ix ntokchin tzaljx tiʼj cyakil kʼij; ix ntiʼ nyola tiʼ Kajaw tuʼn tlajke nbisa.

17. Ix otok txi tmaʼn nmane Lehi nimca cosas cyeke wermaniya bix cye tcʼwaʼl Ismael; per lutzan luʼ ncuʼ cykʼojleʼn alcye aj tajbil yoln te baʼn wiʼja. Tuʼntzanj tij ke nmane bix icʼyxix cyuʼn nimca cosa cyuʼn wermaniye, o chi yabt, ictzan, ix nimx i coẍeʼ twiʼ cywatbil.

18. Ix tuʼn tlaj taʼw nim t-lasm, ix tuʼnju ploj xjalke wermaniya, chʼix mi xiʼ cybajsaʼn cyanma te Dios; ictzan aj tzmal cywiʼ sak chʼixtok tuʼn tcuʼ tuj kuk; ictzan, chʼixmi icyaj mukin nmane tuj mar.

19. Jacob ix José, ix como cuʼxinxke, il tij cywa, pur bis ijoʼc tuʼn tlaj tbis cy-txuʼ; mix nxuʼjala tucʼke tʼal twitz nix aj ntmaʼn, mixke ncʼwaʼla, milay pur bunin oc cyanmake wermaniya mix tuʼn ntzaj tzokpina.

20. Ix ntiʼ sino tipumal Dios aj tajbil tuʼn cycuʼ tilpaj, pur bunin oc cyanma, cyjaʼtzan, taj chʼixtok tuʼn cycyaj tjaʼ mar, iajtz jolpaj tiʼj cyanma aj otok baj cye wiʼja, ix ineʼl cykitpuʼn.

21. Ix bajtzan jluʼ, taj wel tzakpiʼne, lutzan luʼ, jaw wiʼne aj xwac tten, ix oʼakʼnan tzaʼnx wey wajbʼil. Ix baj jluʼ inoc tena nal Dios; ix tajtzan nbaj nane Dios, weʼ cykʼikʼ, icx tkan kʼancyok ix pur txubtxaj oc.

22. Bajtzan jluʼ, wekin, Nefi, xiʼ wiʼna barc cyjaʼtzan obeta juntl maj tuʼn kpona tuj txʼotxʼ tziʼyanmaj.

23. Tajtzan kbeta nimca kʼij tuj mar, opona tuj txʼotxʼ tziʼyanmaj; ix etz kiʼnake cyocx tuj barc ix cuʼ kkʼoʼna kjaya; ix oc kkʼoʼna tbʼi txʼotxʼ te tziʼyanmaj.

24. Ix bajtzan jluʼ ojoʼctena akʼnal ix awal twitz txʼotxʼ; ictzan, cuʼx kawaʼna cyakil clas iyaj otok tzaj kiʼna tuj Jerusalén, Bajtzan que ichʼiyke ix otzaj cʼiwlaʼna nimxix wenn.

25. Ix bant jluʼ, taj kbeta tuj tx,otxʼ tziʼyanmaj, icanet jil te cyakil cʼloj tuj montanya: ke vac, wacẍ chej, aẍna chej, cabay, chip, chip te cʼul ix cyakil cʼloj txʼuj jil te xinak. Ix canetke tiʼchj clas te cʼuxbil, oro, plata ix cobr.