1. Pues baʼn, awekin, Nefi, miʼn txi nkʼona aj storya cye nmane tuj jun piẍ wey nstorya luʼ; mix tuʼn txi nkʼoʼna tuj juntl temp cywitzke sleʼw cʼuxl aj nchin tzʼibana cyiʼj jaʼlo, porque cycuʼx cyuj keʼ storya aj otxiʼ tcʼuʼn nmane, cyjuʼtzan miʼn cuʼ ntzʼibana tujju akʼuntl luʼ.

2. Tucʼ oc txi nmane que tzajna koʼya tiʼj t-xeʼchal José.

3. Ix nyaʼxix il tiʼj tuj nwitza tuʼn ncuʼ tena akʼnal tiʼj jun kʼamabil te cyiʼj cyakil cosas te nmane porque milay chi cuʼbaj cywitzke sleʼw cʼuxl luʼ, ya que wajbile tuʼn tcuʼ ntzʼibana ajke cosas te Dios tuj chʼin cʼatxl luʼ.

4. Porque aj wey wajbil a tuʼn wonna cyiʼjke xinak tuʼn cyul tiʼj Dios te Abrahán, te Isaac ix te Jacob ix chi coʼpjel.

5. Cyjuʼtzan miʼn chi cuʼ ntzʼibanwe ke cosas aj luxix cyxilen te twitz txʼotxʼ, oʼcxke aj luʼxix tuj twitz Dios ix tuj cywitzke nya te twitz txʼotxʼ.

6. Cyjaʼtzan cxeʼl nmaʼne cyeke ncʼwaʼla chuʼl yajxa tuʼn miʼn tcuʼ cytzʼiban cywitzke sleʼw cʼuxl luʼ aj ntiʼ tocnen tuj cywitz cycʼwaʼlke xinak.