1 Tiyaʼ cʼa ixiquin, rix Gentiliʼ, y queʼivacʼaxaj cʼa ri ruchʼabel ri Jesucristo, ri Rucʼajol ri cʼaslic Dios. Rijaʼ xubij pe chuve chi quenchʼabalij re chʼabel re chivij rix. Can kitzij vi cʼa chi rijaʼ xubij chi tintzʼibaj quereʼ:

2 Tijechʼej cʼa el iviʼ chiquivech ronojel ri ivetzelal, ivonojel rix ix Gentiliʼ. Titzolin cʼa pe icʼuʼx chupan ri itzel tak ibanobal, ri itzʼucuj tzij, ri ikʼoloj, ri itzʼiʼinic, ri imac pan evel, ri itioxinic, ri icamisanic, ri samaj quichin ri itzel tak yukenelaʼ pa tak kʼataj, ri ixochʼinic, ri icʼaxinic, y ronojel ri ivetzelal, y ri nimalej tak imac. Quixámpe cʼa viqʼuin y quixkasex chuxeʼ yaʼ pa nubiʼ yin, richin queriʼ xticuyutej cʼa ri imac, y xquixnoj cʼa riqʼuin ri Uxlabixel, richin queriʼ xquixajilex quiqʼuin ri nuvinak, ri e rujayul ri Israel.