1 Na tukun ma inge ke yac ahksingucul tolu ke kolyuck luhn mwet nuhnuhnkuh fin mwet lal Nephi, tukun Moroni el eis ac riti lwacta se lal Helaman ah, el arulacna engan ke srihpen ohiyac wo, ahok, kuhtanglah yohk lal Helaman, ke el sruokyac acn ma tuh kuhtangyucklac.

2 Ahok, ac el tuh oruh in etweyuck nuh sin mwet nuhkwewa lal, ke acn nuhkwewa raunweack ipin acn se el oasr we, tuh elos in kuh in oacyacpac engan.

3 Ac tukun ma inge el sa na suhpwaclah sie lwacta nuh sel Pahoran, kena sel tuh elan oruh tuh mwet uh in toweni nuh sie in ahkfokokoyacl Helaman, kuh un mwet mweun lal Helaman, yohkna tuh elan kuh in karuhnguhnwacng fihsrwacsr ipin acn se ma el usrnguck in kuhtanglah in sifilpac sruokyac.

4 Ac tukun ma inge ke Moroni el suhpwaclah lwacta se inge nuh fin acn lal Zarahemla, el sifilpac muhtwacwacack in oakiyac sie plwacn tuh elan kuh in sruokyac ma luhlah ke ma ac siti ma mwet Laman elos eislah selos.

5 Ac tukun ma inge ke Moroni el tuh ahkolah in som lain mwet Laman in mweun, liye, mwet lal Nephihah, suc tuh toweni nuh sie ke siti lal Moroni ac siti lal Lehi ac siti lal Morianton, elos tuh mweun lainyuck sin mwet Laman.

6 Ahok, finne elos suc tuh kalyeiyuck in kahinglac liki acn lal Manti, ac liki acn ma raunweack oan we, elos tuhkuh ac welah mwet Laman ke ip se inge fin acn ah.

7 Ac ohinge elos arulacna puhs, ahok, ac eis kuh ke lwen nuh ke lwen, ke sap lal Ammoron elos tuhkuh in lain mwet lal Nephihah, ac elos tuh muhtwacwacack in onweltahluh ke sie ahkmas na yohk.

8 Ac un mwet mweun lalos arulacna puhs oruh mwet luhlah luhn mwet lal Nephihah elos tuh enenuh in kahing luhkwelos; ac elos tuhkuh ac welah un mwet mweun lal Moroni.

9 Ac inge oacna ke Moroni el tuh nuhnkuh, enenuh na in oasr mwet suhpweyucklac nuh ke siti lal Nephihah, in kahsruh mwet ah in karuhnguhnwacng siti sac, ac etuh tuh fihsrwacsr kuhtuh in karuhnguhnwacng siti uh in tiac puhtatyang nuh in poun mwet lal Laman liki na in sifilpac eisyucklac luhkwelos, el nuhnkuh tuh elos ac fihsrwacsr in karuhnguhnwacng siti sac.

10 Ke ma inge el sruokyac nohfohn un mwet mweun lal in karuhnguhnwacng acn ma el tuh sifilpac sruokyac.

11 Ac inge, ke Moroni el liye tuh siti lal Nephihah tuhlac luhkwelos el arulacna ahsor, ac muhtwacwacack in ahlohloh, ke srihpen koluk luhn mwet ah, lah elos enenuh in tiac puhtatyang nuh in poun mwet wiyaclos.

12 Inge pa inge ohiyac luhn sifen kacptin nuhkwewa lal. Elos ahlohloh ac oacyacpac lut ke srihpen koluk luhn mwet ah, ac ma inge ke srihpen kuhtanglah luhn mwet Laman faclos.

13 Ac tukun ma inge Moroni el tuh kasrkuhsrak sin kafucrmacn, ke srihpen wacngihn elyah lalos ke sukohsohk luhn acn lalos.