Mormonan Kellkatapa

Ucat acajj Nefi jakenacan Laman jakenacan sarnakäwinacapat kellkatat jiscʼar tucuyat kellkäwiwa–Israelan utapat jiltʼirinacäpqui uca Laman jakenacar kellkata, judionacar gentilanacar kellkataraqui–Camachitarjama, Diosan yatiyañarjama arjañarjamaraqui kellkata–Kellkata Iluchʼintata Tatitutac imantata jan tucjatäñapataqui–Diosan chʼamapan churäwipan yatit arur jakoquipatäñatac mistuyatäñapawa–Moronin amparapan Iluchʼintata, Tatitutac imantata, wactʼir pachanjj gentilanac toket mistuñataqui–Uc yatit arur jakoquipañajj Diosan churäwipanwa.

Uqhamaraqui alajjpachar puriñatac saytʼu pucara lurasipcän uqhajja, Tatitojj jakenacan arunacapar pejjtuntqui ucapach chʼekentat Jaredan jakenacapan sarnakäwinacapat kellkat Etheran Kellkatapat jiscʼar tucuyat kellkäwi–Ucasti Tatitun jachʼa cunaymananac awquinacapatac luratap Israelan utapat jiltʼirinacar uñstayañataquiwa; Tatitun arsüwinacapjja, jupanacan jan wiñay jakonucutäñapjja yatiñanacapataquiraqui–Uqhamaraqui Jesusan Cristötapat take marcanacar yatiyasir Wiñay Diosätapat iyawsayañataqui–Jichhajja, pantasïwinacatejj utjchejja, ucanacajj jakenacan pantasïwinacapawa; ucat Diosan cunanacapar jan juchañchapjjamti, Criston taripäw konuñan jan kʼañuni jicjjatasiñanacamataqui.